First Page

جہانزیب میموریل نمائشی پولو میچ ۔ آرمی ٹیم نے ٹا ئیٹل جیت لیا ملتان (پ ر )جہانزیب میموریل نمائشی پولو میچ 2016کے سلسلے میں کھیلا جانے والا فائنل میچ آرمی اور بیک ہاؤس کی ٹیموں کے مابین ’’جہانزیب پولو کلب‘‘ ملتان میں روایتی جوش وجذبے کے ساتھ اختتام پذیر ہوا جس میں آرمی ٹیم نے اچھے کھیل اور ٹیم سپرٹ کی بدولت فتح حاصل کی۔ گریژن کمانڈر میجر جنرل حسنات عامر گیلانی نے تقریب کے مہمان خصوصی کی حیثیت سے جیتنے والی ٹیم کو کرسٹل ہارس ہیڈ شیلڈ پیش کی ۔نمائشی ٹورنامنٹ میں شامل ٹیموں نے جہاں روایتی کھیل کا بظاہر پیش کیا ۔وہاں کھیل اور کھلاڑی کی روایات کو بھی زندہ کرنے میں اہم کردار ادا کیا۔ ٹورنامنٹ کے فائنل میچ میں دونوں ٹیموں کی جانب سے ایک دوسرے پر سبقت لے جانے کیلئے بھرپور کھیل کا مظاہرہ دیکھنے میں آیا۔ آرمی ٹیم نے مجموعی طورپر4سکور کرکے ٹورنامنٹ کی فاتح ٹیم ہونے کا اعزاز حاصل کیا جبکہ بیک ہاؤس 3سکور کیساتھ دوسرے نمبر پر رہی۔ فائنل میچ کو دیکھنے کیلئے شائقین کی کثیر تعداد نے شرکت کی اختتامی تقریب کے دوران گھڑ سوار بچوں کے درمیان فیملی کھیل ، میوزیکل چئیر، نیزہ بازی اور رسہ کشی کا مقابلہ بھی ہوا جس نے حاضرین کی خصوصی توجہ حاصل کی اور اس سے محظوظ ہوئے۔