First Page

لیہ (صبح پا کستان) جسٹس لا ہور ہا ئی کو رٹ علی باقر نجفی نے ڈسٹرکٹ جیل کا دورہ کیااس مو قع پر ڈسٹرکٹ اینڈ سیشن جج خالد محمود بھٹی ان کے ہمراہ تھے معزز ججز صاحبان کو جیل آمد پر پولیس کے چاک و چوبند دستے نے سلامی پیش کی ۔اس موقع پر جسٹس علی باقر نجفی نے نئے تعمیر شدہ ویٹنگ شید برائے ملاقاتیان کا اپنے دست مبارک سے افتتاح کیا اور بعد میں ویٹنگ شیڈ میں موجود اسیران کے لواحقین سے سہولیات کے بارے میں دریافت کیا جس پر انہو ں نے اطمینان کا اظہار کیا ۔بعد ازاں انہوں نے جیل کے ایڈمن بلاک کے احاطے میں پودالگایا۔ جسٹس علی با قر نجفی نے جیل کے ملاقات شیڈ ،کنٹرول روم اور اندرون جیل خواتین وارڈ ،نوعمرقیدی وارڈ ،ہسپتال اور کچن کا تفصیلی معائنہ کیا ، نوعمر قیدی وارڈ میں سوشل ویلفیئر ڈسٹرکٹ لیہ کے تعاون سے قائم سکول کا دورہ کیا اور وہاں پر زیر تعلیم نو عمر اسیران سے سکول میں دی جانے والی دینی اور دنیاوی تعلیم کے بارے میں پوچھا ۔جس پر انہو ں نے جیل سپرنٹنڈنٹ محمد فیروز کلیار کی خصوصی تعلیمی کاوشوں کو سراہا ۔ اور جیل کی صفائی و ستھرائی اور سکیورٹی کے انتظامات کو بخوبی چیک کیااور تسلی بخش قراردیا۔