First Page

راجن پور ( صبح پا کستان )ڈپٹی کمشنرراجن پور ذوالفقار علی نے ضلع بھر کے پرائس کنٹرول مجسٹریٹس کوہدایات جاری کرتے ہوئے کہا ہے کہ”قیمت پنجاب ایپلیکیشن“ پر موصول ہونے والی شکایات کا فوری ازالہ کرکے اسی دن ہی رپورٹ پیش کی جائے اور تمام دکانداروں کو مستقل بنیادوں پر حکومت کی طرف سے جاری کردہ ریٹ لسٹ واضح جگہوں پر آویزاں کرنے کا پابندبنایا جائے۔ عوام قیمت پنجاب ایپلیکیشن استعمال کرتے ہوئے مقررہ کردہ نرخوں سے زائد ہرگز ادا نہ کریں بلکہ زائد منافع لینے والوں اور ذخیرہ اندوزوں کی نشاندہی کی جائے تاکہ مہنگائی کرنے والے عناصر کی حوصلہ شکنی کی جاسکے۔ حکومت کی طرف سے مختلف اشیائے خوردونوش کے مقررہ کردہ نرخ یہ ہیں:چاول کچی باسمتی 125روپے فی کلو، چاول پکی باسمتی 123روپے فی کلو, چاول کرنل چھوٹی 68روپے فی کلو، (چاول دیسی اریا۔6) 50روپے فی کلو، دال چنا موٹی 125روپے فی کلو، دال چنا باریک 115روپے فی کلو، دال مسور باریک132روپے فی کلو، دال مسور موٹی 103روپے فی کلو، دال مونگ دھلی 179روپے فی کلو، دال ماش چمن 186روپے فی کلو، دال ماش برما 160روپے فی کلو، بیسن 120روپے فی کلو، میدہ اور سوجی 51روپے فی کلو، سرخ مرچ اعلیٰ کوالٹی کینری300روپے فی کلو، چنا سفید کابلی موٹا114روپے فی کلو، چنا سفید کابلی باریک98روپے فی کلو، دہی 82روپے فی کلو، دودھ 72روپے فی لیٹر، گوشت بڑا320روپے فی کلو، گوشت چھوٹا600روپے فی کلو، تندوری روٹی 100گرام 6روپے فی روٹی، نان سادہ تل والا100گرام8روپے فی نان، چینی سفید70روپے فی کلو، آٹاتھیلا 20کلو گرام808روپے مقرر کی گئی ہے۔ جبکہ گھی /کوکنگ آئل کے نرخ سیکریٹری انڈسٹریز حکومت پنجاب کے مقررہ کردہ نرخ کے مطابق ہوں گے۔مزید یہ کہ سبزی، پھل، گوشت مرغی اور انڈے وغیرہ کا عام بازار کاریٹ روزانہ کی بنیاد پر سیکریٹری مارکیٹ کمیٹی کرے گا۔ ڈپٹی کمشنر نے واضح کیا کہ مقرر کردہ نرخ زیادہ سے زیادہ فروخت کردہ نرخ ہیں۔ اگر کوئی دکاندار مقرر کردہ نرخوں سے زائدپر اشیائے خوردونوش فروخت کرتا پایا گیا تو اس کے خلاف پرائس کنٹرول اور ناجائز منافع خوری اور ذخیرہ اندوزی روکنے کے قانون 1977کے تحت فوری قانونی کاروائی عمل میں لائی جائے گی۔اوورچارجنگ بارے کوئی بھی شکایت فون نمبر 0604920020، ٹال فری نمبر080002345اور ”قیمت پنجاب ایپلیکیشن“ پر درج کرائی جاسکتی ہے۔