Tag: layyah news

لیہ( صبح پا کستان ) اتحاد بین المسلمین کے فروغ میں تمام مسالک کے اکابرین خراج تحسین کے مستحق ہیں۔ مثالی بھائی چارے کے لیے علماﺅ مشائخ ضلعی انتظامیہ کے دست و بازو ہیںاور انہی کی بدولت عام آدمی تک امن و امان کا عملی پیغام جاتا ہے ۔ عید الضحی پربہترعوامی مفاد کے پیش نظر کورونا ایس اوپی پر عملدآمد کے لیے اکابرین و علماءکرام پہلے کی طرح اپنا کردار ادا کریںتاکہ مذہبی ہم آہنگی کے فروغ کے ساتھ ساتھ کورونا کو شکست دی جاسکے۔ان خیالات کا اظہارڈی سی کمیٹی روم میں امن کمیٹی کے ممبران اور ضلعی انتظامیہ کے درمیان ضلع میں پائیدار امن و امان کے قیام اور عید الضحی پر کورونا ایس اوپی کی پابندی کو یقینی بنانے کے لیے باہمی گفتگوکے دوران کیاگیا۔اس موقع پر معاون خصوصی وزیر اعلی پنجاب سید رفاقت علی گیلانی،صوبائی پارلیمانی سیکرٹری ورکس اینڈ کیمونیکشن شہاب الدین سیہڑ،ڈپٹی کمشنر اظفر ضیاء،ڈسٹرکٹ پولیس آفیسر محمدحسن اقبال،پی ٹی آئی رہنمابشارت رندھاوا موجود تھے۔ڈپٹی کمشنر اظفرضیاءنے اجلاس کی صدارت کرتے ہوئے کہا کہ تحاد بین المسلمین کے فروغ ،امن و امان کے قیام اورمثالی بھائی چارے کے لیے تمام مسالک کے اکابرین و علماءکرام کاکردار قابل تحسین ہے جس کے نتیجہ میں ضلع میں امن و امان کی فضاءقائم ہے۔ ڈپٹی کمشنر نے کہا کہ شہریوں کے بہترین مفاد میں کورونا ایس اوپی پر عمل کرنے کے لیے حکومتی ہدایات جاری کی گئی ہے ۔انہوں نے کہا کہ جاری کردہ ایس او پیز پر عملدرآمد کرانا ہم سب کی مشترکہ ذمہ داری ہے، انہوں نے کہا کہ کورونا سے بچاو ¿ کا شعور بیدار کرنا ہے کہ احتیاطی تدابیر اختیار کی جائیں اس آگہی کے لیے اکابرین و علماءکرام پہلے کی طرح اپنا کردار ادا کریں تاکہ انسانی زندگی محفوظ رہے اور مذہبی ہم آہنگی کے فروغ کے ساتھ کورونا کو شکست دی جاسکے۔اس موقع پرممبران امن کمیٹی نے صفائی ستھرائی ،لائٹس کے مناسب انتظامات ،عیدالضحی کے موقع پر کھلے مقامات پر نماز عید اداکرنے والوں کی سیکورٹی ،مساجدو امام بارگاہوں کی رجسٹریشن کے لیے سرعت سے اقدامات عمل میں لانے ،میپکو کی بکھری ہوئی تاروں کو درست رکھنے ،بین المسالک ہم آہنگی کے لیے اُٹھائے گئے اقدامات کے بارے میں تفصیلی طورپر آگاہ کیا۔اجلاس سے خطاب کرتے ہوے ممبران اسمبلی نے مشترکہ طورپرضلع میں مثالی امن و امان ،اتحاد یگانگت کی عملی فضاءقائم رکھنے پر ممبرا ن امن کمیٹی کی کاوشوں کوسراہتے ہوئے کہا کہ علماءو مشائخ کے ذریعے امن و امان، بھائی چارے اور رواداری کا پیغام عام آدمی تک پہنچتا ہے جس پر تمام مسالک کے اکابرین خراج تحسین کے مستحق ہیں۔ممبران اسمبلی نے اراکین کی مثبت تجاویز کو سہرایا اور متعلقہ ادارں کو عمل کرنے کی ہدایت دیںاور اتحاد بین المسلمین کے لیے متحد رہنا وقت کی اہم ضرورت قرار دیا۔ممبران امن کمیٹی نے ضلع میں مستقل قیام امن کے لئے اپنے اپنے تعاون کی یقین دہانی، قیام امن کیلئے ضلعی انتظامیہ کے شانہ بشانہ کام کرنے اور ضلع کو امن کے لحاظ سے مثالی ضلع بنانے کے عزم کا اظہار کیا