Tag: layyah news

لیہ(صبح پا کستان)ایم ایس ڈی ایچ کیو ہسپتال کا گذشتہ روز ڈی ایچ کیو ہسپتال کے مختلف وارڈز کا اچانک معائنہ،وارڈ میں ڈکٹرز،سٹاف نرسسز،سپورٹنگ سٹاف کی کارکردگی و حاضری کا جائزہ،مریضوں،لواحقین سے سہولیات بارے گفتگو اس موقع پر انہوں نے گفتگو کرتے ہوئے کہا کہ ڈسٹرکٹ ہیڈ کوارٹر ہسپتال لیہ محدود وسائل میں رہتے ہوئے وزیر اعلیٰ پنجاب سردار عثمان بزدار کے ویژن کے مطابق ضلع بھر و بیرون ضلع کے شہریوں کو بہتر سے بہتر طبی سہولیات بہم پہنچا رہی ہے،عوام کا ڈی ایچ کیو ہسپتال لیہ پر اعتماد دن بدن بڑھتا جارہا ہے ڈی ایچ کیو ہسپتال 2020ء سے قبل 125بیڈز کا ہسپتال تھا جس کو ڈپٹی کمشنر لیہ،محکمہ صحت لیہ وموجودہ ایم پی اے سید رفاقت علی گیلانی کی کاوشوں سے سیکرٹری صحت حکومت پنجاب نے 340بیڈز کے ہسپتال کا نوٹیفیکیشن جاری کردیا،اس سال 340بیڈز کے ہسپتال کے بجٹ میں اضافہ کیلئے محکمہ صحت و محکمہ خزانہ پنجاب کو لیٹرز بھجوا دیئے گئے،سابقہ بجٹ 153ملین میں اضافہ ہوکر 242ملین جاری ہونے کی توقع ہے،نیا بجٹ ریلیز ہونے سے ہسپتال میں دی جانے والی سہولیا ت میں بھی اضافہ ہو جائے گا،انہوں نے کہا کہ کسی بھی ہسپتال کی کارکردگی جانچنے کیلئے ایمرجنسی و سرجری کے مریضوں کا تناسب دیکھا جاتا ہے سال 2019کے اختتام پر ڈی ایچ کیو ہسپتال کے ایمرجنسی میں 2لاکھ سے زائد مریض دیکھے گئے جبکہ 86سو مریضوں کی سرجری کی گئی ڈی ایچ کیو ہسپتال میں 32مختلف اسپیشلسٹ ڈاکٹرز،اوپی ڈی کے شعبہ جات میں اضافہ،ہیپٹائٹس،این سی ڈی کلینک،بچوں کے 50بیڈز کے یونٹ،4نئے آپریشن تھیٹر،ڈائیلیسز یونٹ میں 5نئی مشینوں کی تنصیب،،سینٹرل آکسیجن سپلائی سسٹم کی تنصیب،کلر ڈاپلر الٹر ساؤنڈ سروس، پی سی آر لیب،ڈیجیٹل ایکسرے،3جدید ایکسرے کی بڑی مشینیں،اینالاگ ایکسرے مشین،آرتھوپیڈک سرجری کیلئے جدید ایکسرے مشین،ڈینٹل یونٹ میں 3نئے جدید ڈینٹل یونٹ،جدید فزیو تھراپی مشینیں ہسپتال میں آنے والے مریضوں کو بہتر سے بہتر سہولیات دی جارہی ہیں،ایم ایس ڈی ایچ کیو ہسپتال ڈاکٹر نیاز احمد نے کہا کہ ڈسٹرکٹ ہیڈ کوارٹر ہسپتال لیہ کے مین میڈیسن سٹور میں مختلف ادویات موجودہیں،انہوں نے کہا کہ ڈپٹی کمشنر لیہ اظفر ضیاء حکومتی ممبران اسمبلی نے ڈسٹرکٹ ہیڈ کوارٹر ہسپتال لیہ کے 340بیڈز کے نوٹیفیکیشن کے بعد بجٹ میں اضافہ کیلئے اپنے تعاون کی یقین دہانی کرائی ہے جس کے بعد ڈی ایچ کیو ہسپتال لیہ جنوبی پنجاب کے سرکاری سطح پر کام کرنے والے ہسپتالوں میں سے سٹیٹ آف دی آرٹ ہسپتال کا درجہ اختیار کرجائے گا،اس موقع پر پبلک ریلیشن آفیسر احسان اللہ سنی،ایڈمن آفیسر علی حیدر،آئی ٹی آفیسر محمد ندیم،پرکیورمنٹ آفیسر محمد وقاص،اسسٹنٹ ایڈمن عمران چانڈیہ بھی موجود تھے۔