Tag: layyah news

لیہ( صبح پا کستان )احتیاطی تدابیر اپنانے سے ٹی بی ایسے مرض سے محفوظ رہ سکتے ہیں اور بیماری کے حملے پر فزیشن کے تجویز کردہ نسخے اور دوائی کی مدت پر کوئی سمجھوتہ نہ کیاجائے۔یہ بات ایم ایس ڈاکٹر عتیق الرحمان خان نے ٹی بی کے عالمی دن کے موقع پر سماجی شعور کی بیداری کے لیے منعقدہ واک کے اختتام پرکہی۔واک میں چیسٹ سپیشلسٹ ڈاکٹرزاہد حمیدچغتائی ،سرجن ڈاکٹر مہر رمضان سمرا،ڈاکٹر ساجد سہیل،ڈاکٹر طارق امین،،ڈاکٹر گلزار احمدصراطی،پیرا میڈیکل سٹاف کی کثیر تعداد نے شرکت کی۔ڈاکٹر عتیق الرحمان نے کہا کہ صحت کی بہترین سہولیات اور موثر علاج کے لیے تمام ممکنہ وسائل بروئے کار لاتے ہوئے اقدامات اُٹھائے جارہے ہیں اور ٹی بی کی تشخیص ،علاج ،احتیاط اور ادویات کی فراہمی کے لیے صوبائی ٹی بی کنٹرول پروگرام کی ہدایت پرڈی ایچ کیو میں خصوصی کاونٹر کام کررہا ہے جہاں مفت سکریننگ تشخیص اور علاج کی سہولیات میسر ہیں ۔ عالمی ٹی بی ڈے کے موقع پر ڈی ایس ڈی ہال سی ای او ہیلتھ آفس میں سیمینار و ریلی عالمی ٹی بی ڈے کے موقع پر ڈی ایس ڈی ہال سی ای او ہیلتھ آفس میں سیمینار و ریلی،سیمینار منعقد ہوا ۔ سیمینار سے خطاب کرتے ہوئے ریجنل کوارڈینیٹر اے ایس ڈی اسلام آباد عاصم نذیر نے خطاب کرتے ہوئے کہا کہ پاکستان میں ہر سال ٹی بی کے حوالے سے دیئے جانے والے سلوگن کے کے تحت محکمہ صحت و غیر سرکاری تنظیمیں کام کرتی ہیں اس سال کا سلوگن END T.Bکے تحت کام کیا جارہا ہے،جس کیلئے عوام میں آگاہی مہم،مفت ادویات و مفت کلینیکل ٹیسٹوں کی سہولیات دی جا رہی ہیں،ڈسٹرکٹ کوارڈینیٹر ڈاکٹر محمد نعیم نے خطاب کرتے ہوئے ٹی بی سے بچاؤ و محکمہ صحت کے اقدامات پر روشنی ڈالتے ہوئے کہا کہ محکمہ صحت کا فیلڈ سٹاف ایماندار و لگن سے کام کرکے عوام کو اس موذی مرض سے نجات دلا سکتے ہیں،صدر ڈسٹرکٹ پریس کلب عبدالرحمن فریدی نے خطاب کرتے ہوئے کہا کہ مرض دو قسم کے ہوتے ہیں پہلا عام ،دوسرا چھوتی،دوسری قسم کے مرض سے معاشرہ کوشدید خطرات لاحق ہیں ٹی بی کا مرض بھی دوسری قسم میں شامل ہے جس کی روک تھام کیلئے محکمہ صحت کے ساتھ ساتھ زندگی کے دیگر شعبوں سے تعلق رکھنے والے تمام لوگوں کو مل جل کرکام کرنا ہوگا،جس گھر میں ٹی بی کا مریض موجود ہے وہاں کے حفاظتی اقدامات بارے وہاں کے رہنے والوں کو بتانا ضروری ہے کہ یہ مرض کسی دوسرے گھر کے فرد کو نہ ہوجائے،انہوں نے اس بات پر زور دیا کہ ٹی بی کے علاج کے دوران مریض کی مانیٹرنگ ضروری ہے کہ وہ مکمل دورانیہ کی ادویات استعمال کرے ،دوران علاج ادویات چھوڑنے والا مریض معاشرہ میں رہنے والے دیگر لوگوں کیلئے انتہائی خطر ناک ہے اگر ان اقدام پر قابو پالیا جائے تو ٹی بی جیسے موذی مرض کا اس ملک سے خاتمہ ممکن ہے،ڈی ایس ایل چوہدری ارشاد گجر نے اپنے خطاب میں ضلع بھر کی لیبارٹریوں میں ٹی بی کے حوالے سے کئے جانے والے ٹیسٹوں اور سہولیات بارے بریفنگ دی،آخر میں شرکا نے سوال جواب کا سیشن بھی کیا اور ڈی ایچ ڈی سی سے عوامی شعور کو اجاگر کرنے کیلئے ریلی بھی نکالی۔