ڈی ایس پی سعادت علی چوہان کا شور کوٹ تبادلہ ، پولیس لائن میں پُروقار الوداعی تقریب لیہ(صبح پا کستان)ڈی ایس پی سعادت علی چوہان انتہائی محنتی اورفرض شناس پولیس افسر ،موجودہ ملکی صورتحال میں ان کی خدمات قابل تحسین،ڈی پی اولیہ ۔امن وامان کے قیام کیلئے تمام ترتوانائیاں صرف کیں۔ڈی ایس پی سعادت علی چوہان ۔ڈی ایس پی چوبارہ سرکل سعادت علی چوہان کا ٹرانسفر ،پولیس لائن میں پروقار تقریب کا انعقاد۔تفصیلات کے مطابق ڈی ایس پی چوبارہ سرکل سعادت علی چوہان کابطور ڈی ایس پی شورکوٹ تبادلہ کردیاگیاپولیس لائن میں ان کے اعزاز میں پُروقارتقریب کاانعقادکیاگیا۔تقریب میں ڈی پی اوکیپٹن(ر)محمدعلی ضیاء ،ڈی ایس پی کروڑرمیض بخاری،ڈی ایس پی لیگل محمداصغراولکھ ،ڈی ایس پی ہیڈکوارٹرمحمدطاہرمقصود، ڈی ایس پی اسپیشل برانچ ملک خلیل ، انچارج سی ٹی ڈی محمود اکبر، انسپکٹر اسپیشل برانچ منظور حسین میرانی سمیت ضلع ھٰذا کے ایس ایچ اوز ،دفترپولیس کے اہلکار اوردیگرافسران شریک تھے ڈی پی او نے تقریب میں ڈی ایس پی چوبارہ سعادت علی چوہان کوخراج تحسین پیش کرتے ہوئے کہا کہ موجودہ صورتحال میں ملک انتہائی نازک حالات سے گزررہاہے ان حالات میں سعادت علی چوہان کی پیشہ وارانہ خدمات قابل تحسین ہیں موجودہ ملکی صورتحال میں انھوں نے جس محنت اورذمہ داری سے فرائض سرانجام دیئے وہ ان کی احساس ذمہ داری کامنہ بولتاثبوت ہے انھوں نے کہا کہ تعلیمی اداروں میں سیکورٹی انتظامات یاسرکل میں کہیں لاء اینڈآرڈرکی صورتحال ہویاکسی پیچیدہ مقدمہ کی تفتیش کا معاملہ ہو سعادت علی چوہان نے بطور حلقہ آفیسرہرفرض کو بخوبی سرانجام دیا ڈی ایس پی چوبارہ سعادت علی چوہان نے ڈی پی او ودیگرافسران کادوران تعیناتی تعاون پر شکریہ اداکرتے ہوئے کہا کہ ضلع لیہ میں دوران تعیناتی امن وامان کے قیام کیلئے اپنی تمام ترتوانائیاں صرف کیں فرائض کی بجاآوری کیلئے ہمیشہ میرٹ کی بالا دستی اور انصاف کی یقینی فراہمی کو ترجیح دی اور اپنی صلاحیتوں کے مطابق محکمانہ ذمہ داریاں بھرپور طریقے سے سرانجام دینے کی کوشش کرتارہاہوں۔ بعدازاں ڈی پی او نے انھیں بہترین خدمات سرانجام دینے پر یادگاری شیلڈجبکہ دیگرپولیس افسران نے تحائف دیئے۔