کوٹ سلطان کا اکلوتا خورشید شاہ پارک میرج گارڈن میں تبدیل

کوٹ سلطان کا اکلوتا خورشید شاہ پارک میرج گارڈن میں تبدیل
کوٹ سلطان (صبح پا کستان ) انتظامیہ کی مبینہ غفلت کے سبب کوٹ سلطان کا اکلوتا خورشید شاہ پارک میرج گارڈن میں تبدیل ،آئے روز شادی کی تقریبات سے پارک کوڑا کرکٹ سے اٹ گیا ۔تفصیل کے مطابق ریلوے اراضی پر 30لاکھ روپے کی مالیت سے تعمیر کیا جانے والا خورشید شاہ پارک شہریوں کے لیے تفریح کی سہولیات تو نہ دے سکا مگر با اثر افراد کے لیے شادی ہال کا کام بخو بی سر انجام دے رہا ہے ،گذشتہ کئی روز سے پارک میں شادیوں کا سلسلہ جاری ہے جس سے پارک کی ہڈیوں ،کاغذ اور شاپروں سے بھر چکا ہے علاوہ ازیں ان تقریبات کی وجہ سے پارک کی چاردیواری ٹوٹ چکی ہے ،شہریوں محمد یوسف ،محمد ریاض ،محمد خلیل ،محمد فرقان ،محمد ضمیر حسین ،احسن اقبال اور دیگر نے ڈی سی او لیہ سے مطالبہ کیا ہے کہ پارک کو میرج گارڈن میں تبدیل کرنے والے عناصر کے خلاف کاروائی عمل میں لائی جائے اور انتظامیہ پارک میں تفریحی کی بہتر سہولیات فراہم کرے تاکہ شہریوں کو تفریحی کے بہتر مواقع میسر آ سکیں ۔