کوٹ سلطان (صبح پا کستان ) ڈاکوؤں کی گولی سے عمر بھر کے لیے اپاہج ہونے والا نوجوان انصاف کے لیے رل گیا ۔ ۔آر پی او کے احکامات کے باوجود پولیس ملزمان گرفتار کرنے میں ناکام ۔ نوجوان کا آئی جی پنجاب سے انصاف کا مطالبہ ۔ ۔ لیہ کے علاقہ کھوکھر آباد میں 4 ماہ قبل ڈاکیتوں نے محمد توصیف نامی نوجوان سے گن پوائنٹ پر موٹر سائیکل موبائل نقدی چھیننا چاہی تو نوجوان توصیف نے مذاحمت کر دی جس پر ڈاکیتوں نے اس کی ٹانگ پر گولی مار دی اور فرار ہوگئے گولی لگنے کے باعث توصیف کی ٹانگ کاٹنا پڑ گئی اور نوجوان عمر بھر کے لیے اپاہج ہو گیا۔واقعہ کی ایف آئی آر تو تھانہ کوٹ سلطان پولیس نے درج کر لی مگر4ماہ گزرنے کے باوجود متاثرین انصاف کے حصول کے لیے دربدر کی ٹھوکریں کھا رہے ہیں توصیف کے والد نے بتابا کہ تھانہ کوٹ سلطان پولیس نے ایک ملزم گرفتار کیاجس کی اب ضمانت ہو چکی ہے کئی دن تھانہ رکھنے کے باوجود اس سے مزید ساتھیوں کا سراغ نہیں لگایا جا سکا نوجوان توصیف نے میڈیا سے بات کرتے ہوئے کہا کہ مجھے عمر بھر کے لیے اپاہج بنانے والوں کو گرفتار کرنے میں تا حال ناکام ہے انہوں نے بتایا کہ ملزمان باثر ہیں جس کی وجہ سے پولیس گرفتاری میں سستی کا مظاہرہ کر رہی ہے ۔اہل علاقہ نے متاثرہ نوجوان کے والد کی قیادت میں پولیس کی روایتی سستی اور جانبداری کے خلاف احتجاج کرتے ہوئے آئی پنجاب سے انصاف کا مطالبہ کیا ہے ۔