جنوبی پنجاب

لیہ(صبح پا کستان) معروف چلڈرن سپیشلسٹ کے بھائی کا تشدد، شہری کی درخواست پر مقدمہ درج، پولیس نے تفتیش کا آغاز کر دیا ،تفصیل کے مطابق محلہ فیض آبا د کا رہائشی محمد یعقوب اپنی بچی کو پرائیویٹ کلینک فاطمہ چلڈرن کلینک پر لے کر گیا جہاں پر ڈاکٹر کے بھائی عامر میرانی کی بچی کے والد سے غنڈہ گردی، مارپیٹ کے بعد کلینک سے نکال دیا اس غنڈہ گردی کیخلاف محمد یعقوب کے اہل خانہ سمیت شہریوں کی بڑی تعداد کلینک کے باہر جمع ہو گئی اور روڈ بلاک کر کے شدید احتجاج کیا بعد ازاں شہری محمد یعقوم ولد غلام نبی نے پولیس تھانہ سٹی لیہ میں درخواست دائر کر دی ، درخواست گزار محمد یعقوب نے درخواست میں موقف اختیار کیا ہے کہ وہ اپنی بچی کو فیس دیکر ڈاکٹر سے چیک کروا کر دوائی لے کر گھر آگیا، اور ڈاکٹر کی ہدایت کے مطابق کہ کل آ کر بچہ کی طبیعت بارے بتا نا دوبارہ کلینک پر گیا تو عامر میرانی نے دوبارہ فیس کا مطالبہ کیا، جس پر میں نے کہا کہ ڈاکٹر نے طبیعت بتانے کا کہا تھا وہ میں بتانے آیا ہوں اس پر وہ طیش میں آگیا اور گالم گلوچ کرتے ہوئے مجھ پر تھپڑوں کی بارش کر دی۔ درخواست پر پولیس تھانہ سٹی لیہ نے مقدمہ نمبر 185/19 زیر دفعہ 506 ت پ درج کر کے کارروائی کا آغاز کر دیا ہے .واضع رہے کہ وقو عہ کے روز مدعی اور مد عی کے اہل خانہ نے اس واقعہ کے خلاف احتجاج بھی کیا تھا