راجن پور ۔ پاک فوج کی مجاہدانہ کاوشوں کو سراہنے کے لیے گورنمنٹ پوسٹ گریجویٹ کے طلبا کی ریلی

راجن پور( صبح پا کستان )گورنمنٹ پوسٹ گریجویٹ کالج راجن پور میں پاک فوج کی مجاہدانہ کاوشوں کو سراہنے کے لیے ایک پرامن ریلی کا اہتمام کیا گیا۔ پرنسپل کالج ہذا ڈاکٹر شکیل پتافی سمیت جملہ پروفیسر اور طلباء نے ریلی میں شرکت اختیار کی۔ ریلی میں شہدائے پاکستان اور افواج پاکستان کو خراج تحسین پیش کیا گیا اور آخر میں ملکی سا لمیت کے لیے دعائیں کی گئیں۔مزید برآں گورنمنٹ پوسٹ گریجویٹ کالج راجن پور میں شعبہ اکنامکس کی طالبہ حنا اخلاق نے 926 نمبر لے کر بہاالدین زکریا یونیورسٹی سالانہ امتحانات 2018میں دوسری پوزیشن حاصل کی ہے اورشعبہ اکنامکس کا مجموعی رزلٹ 100 فی صد رہا ہے۔