First Page

ایس ایچ او تھانہ کوٹ سلطان کے رویہ کے خلاف پرائیویٹ سکولز ایسوسی ایشن کی جانب سے احتجاج کا اعلان کوٹ سلطان (نامہ نگار) ایس ایچ او تھانہ کوٹ سلطان پر سیکورٹی چیک کرنے کے دور ان پرنسپل کو حراساں کر نے کا الزام،پرائیویٹ سکولز ایسوسی ایشن کی جانب سے احتجاج کا اعلان ۔تفصیل کے نجی سکول مسلم سائنس اکیڈمی کوٹ سلطان کے پرنسپل مہر سعید اللہ ونجھیر ہ نے بتایاکہ ایس ایچ او تھانہ کوٹ سلطان شاہد رضوان مہوٹہ کل سکول میں سیکورٹی چیک کرنے آیا اور سکول گیٹ کو دھکا مار کر اندر داخل ہو کے میرے ساتھ غیر اخلاقی رویہ اختیار کیا اور مجھے حراساں کرنے لگا جس سے سکول میں موجود طلباء میں خوف وحراس پھیل گیا بعد ازاں ایس ایچ او تھانہ کوٹ سلطان شاہد رضوان مہوٹہ نے زبر دستی سکول میں موجود طلباء کی چھٹی کو چھٹی دے دی ایس ایچ او کے اس رویہ پر آل پرائیویٹ سکولز ایسوسی ایشن کا ہنگامی اجلاس منعقد ہوا جس میں صوبائی صدر آل پرائیویٹ سکولز ایسوسی ایشن محمد اقبال چوہان اور ضلعی صدر چوہدری محمدعلی ،مرکز کوٹ سلطان کے صدر مرتضی ہاشمی نے سکول میں کی گئی پولیس گردی کی شدید مذمت کی انہوں نے کہا کہ سیکورٹی کے نام پر اس طرح اساتذہ کی تذلیل ہرگز برداشت نہیں کی جائے گی انہوں نے بتایا کہ کل 10بجے آل پرائیویٹ سکولز ایسوسی ایشن کی جانب سے تھانہ کوٹ سلطان کے آگے پولیس گردی کے خلاف احتجاج کیا جائے گا،جبکہ ایس ایچ او تھانہ کوٹ سلطان شاہد رضوان مہوٹہ کا کہنا تھا کہ پرنسپل کے ساتھ کوئی غلط برتاؤ نہیں کیا ،سکول میں سیکورٹی کے انتہائی ناقص اقدامات کیے گئے تھے سیکورٹی رسک کے پیش نظر سکول کو چھٹی کرا دی ۔

رپورٹ :۔ ملک فہیم منجوٹھہ پریس رپورٹر تاریخ ۔ 9 فروری 2016