کشمیر ہماری شہہ رگ حیات ہے ،حاجی فضل حسین خان
ملتان(صبح پا کستان )صدر قومی امن کمیٹی پاکستان(کنٹونمنٹس پنجاب) وچےئرمین ہیلپرز بز نس کونسل حاجی فضل حسین خان، چیف کوارڈی نیٹر غضنفر ملک، کلب عابد خان، معظم وحید خواجہ اور رانا مبشر رئیس نے قائداعظم شاپنگ سنٹر ملتان کینٹ میں5فروری یوم یکجہتی کشمیر کے حوالے سے منعقدہ مظاہرہ کے دوران خطاب کرتے ہوئے کہا ہے کہ بھارتی سرکاری کی طرف مقبوضہ کشمیر میں انسانی حقوق کی بدترین خلاف ورزی اور حریت پسند مسلمانوں پر مظالم کی پرزور مذمت کرتے ہیں اس ضمن میں اقوام متحدہ سمیت عالمی برادری کی بے حسی اور ذومعنی کردار افسوس ناک ہے۔ کشمیر ہماری شہہ رگ حیات ہے۔ ہم اقوام متحدہ سے مطالبہ کرتے ہیں کہ کشمیر میں مودی سرکاری کی طرف سے مظالم بند کرائے جائیں اور اقوام متحدہ کی قراردادوں کے مطابق مظلوم کشمیریوں کو حق خودارادیت دیاجائے۔ مظاہرے کے دوران تحریک آزادی کشمیر کے دوران اپنی جانوں کا نذرانہ پیش کرنے والے شہداء کے ایصال ثواب کیلئے فاتحہ خوانی اور دعا کرائی گئی۔مظاہرے میں کینٹ کے تاجر اور شہری شریک تھے۔
