First Page

لیہ( صبح پا کستان)سب انجینئر پلاننگ میونسپل کمیٹی لیہ جام عبدالرؤف نے کہا کہ عوام کو بہتررہائشی سہولیات مہیا کرنے کیلئے میونسپل کمیٹی حدود میں غیر قانونی ہاؤسنگ کالونیوں کے خلاف کریک ڈاؤن کا آغاز کردیا گیا ہے غیر قانونی ہاؤسنگ سکیمیں میونسپل حدود میں مکمل بند کردی جائیں گی،تمام ہاؤسنگ سکیموں کو ضابطہ کے دائرہ کار میں لاکر رجسٹرڈ کیا جائے گا جس میں ہاؤسنگ کالونی کیلئے حکومت کی طرف سے جاری کردہ یارڈ سٹک کے مطابق رقبہ اور اس میں دی جانے والی سہولیات جس میں میونسپل یونٹ،ڈسپنسری،پارک،سیوریج سکیم،مسجد،روڈز،سٹریٹ لائٹ،کیمونٹی ہال،پلے گراؤنڈ و دیگر تمام سہولیات دینے والی ہاؤسنگ سکیموں کو میونسپل حدود میں بنانے کی اجازت دی جائے گی،سب انجیئر پلاننگ نے کہا کہ گذشتہ مالی سال کے دوران عمارتوں کے نقشوں کی فیسوں سمیت دیگر مدات میں 74لاکھ کا ریونیو جمع کیا گیا رواں مالی سال کے دوران ان مدات میں1کروڑ 50لاکھ روپے کا ٹارگٹ رکھا گیا ہے جس پر میونسپل کمیٹی کے ملازمین کام کررہے ہیں میونسپل حدود میں بننے والے رہائشی و کمرشل بغیر نقشہ منظوری عمارتوں کے مالکان کو نوٹس جاری کئے جا رہے ہیں اور قانون کے مطابق ان کی تعمیرات کو بھی روکا جارہا ہے جس پر شہری قانون کا احترام کرتے ہوئے عمارتوں کی تعمیر کیلئے نقشوں کی منظوری کرارہے ہیں میونسپل کمیٹی کا شعبہ پلاننگ میں بغیر کسی رکاوٹ کے شہریوں کے کام کئے جارہے ہیں