First Page

ملتان (صبح پا کستان) مےئر ملتان چوہدری نوید الحق آرائیں سے میڈیا ورکرز آرگنائزیشن ملتان کے وفد کی ملاقات، کارکنوں کے مسائل حل کروانے کیلئے ہر ممکن تعاون کی یقین دہانی، اس موقع پر میڈیا ورکرز آرگنائزیشن ملتان کے صدر شاہ زمان، سنےئر نائب صدر عادل چوہدری، نائب صدر وجاہت بھٹی ، جنرل سیکرٹری عرفان چوہدری، ایڈیشنل جنرل سیکرٹری کاشف شاہین، فنانس سیکرٹری سعید نواز، جوائنٹ سیکرٹری وحید بشیر، پریس سیکرٹری وقاص مجاہدشریک تھے۔چوہدری نوید الحق آرائیں کا کہنا تھا کہ پرنٹ میڈیا کے کارکن ریڑھ کی ہڈی کی حیثیت رکھتے ہیں ان کو ہر لحاظ سے نظر انداز کرنا زیادتی ہے۔ایم ڈبلیو او ملتان کے صدر شاہ زمان اور جنرل سیکرٹری عرفان چوہدری نے کہا کہ ہم ورکرز کے ساتھ کسی قسم کی زیادتی نہیں ہونے دینگے۔ ورکروں کے مسائل حل کرنے کیلئے کسی بھی قسم کی قربانی سے دریغ نہیں کرینگے اور ان کے مسائل ترجیحی بنیادوں پر حل کرینگے۔انہوں نے مزید کہا کہ میں جلد وزیراعلیٰ پنجاب میاں شہبازشریف سے ملاقات میں میڈیا ورکرز آرگنائزیشن ملتان کے مسائل کے حوالے سے بات کروں گا۔ایم ڈبلیو او ملتان کے سنےئر نائب صدر عادل چوہدری کا کہنا تھا کہ کارکنوں کی فلاح وبہبود کیلئے کام کرینگے تاکہ ان کی معاونت اور بہتری کیلئے لائحہ عمل تشکیل دیں سکیں۔مےئر ملتان نے وفد کو یقین دہانی کروائی کہ وہ میڈیا ورکرز آرگنائزیشن ملتان کے ورکرز کو ریلوے اور ہاؤسنگ کالونیز میں کوٹہ دلوانے کی بھی کوشش کرینگے۔ملاقات کے موقع پر یونس، فاطر، طارق سجاد انجم اور راشد ملک بھی موجود تھے۔