لیہ ۔عدالتوں پر پریشر ڈالنے کیلئے حکومت نوازشریف کو پروٹوکول دے رہی ہے،بھٹو کے ویژن کے مطابق پاکستان میں تبدیلی کا آغاز ہوچکا ہے۔سابق صدر پیپلز لیبر بیوروطاہر محمود خان

لیہ(صبح پا کستان رپورٹر)سابق صدر پیپلز لیبر بیوروطاہر محمود خان نے کہا کہ موجودہ حکومت مکمل طور پر ناکام ہوچکی ہے کرپشن کا بول بالا ہے میاں برادران نے دونوں ہاتھوں سے ملکی دولت کو لوٹ کر باہر منتقل کرکے پاکستان کودیوالیہ کردیاہے ،نواز شریف ضیاء کی باقیات ہے جس کو جمہوریت نہیں بلکہ بادشاہت چاہئے ،پیپلز پارٹی کے قائدین آصف زرداری،ڈاکٹر عاصم اور شرجیل میمن کے ساتھ ملکی اداروں اور عدالتوں کا رویہ مختلف ہوتا ہے پیپلز پارٹی کے رہنماؤں کو عدالتوں میں بکتر بند گاڑیوں میں جبکہ نواز شریف کو سیکڑوں گاڑیوں کے پروٹول کے ساتھ عدالت میں پیش کیا جارہا ہے یہ رویہ اب تبدیل ہونا چاہئے ،مجرم اور ملزم کو اسکی حیثیت کے مطابق عدالتوں میں پیش کیا جانا چاہیئے ،عدالتوں پر پریشر ڈالنے کیلئے حکومت نوازشریف کو پروٹوکول دے رہی ہے جس کی پاکستان پیپلز پارٹی اجازت نہیں دے گی،چیئرمین بلاول بھٹو زرداری پاکستان کے اگلے وزیر اعظم ہونگے پاکستان پیپلز پارٹی عوامی راج پر یقین رکھتی ہے بھٹو کے ویژن کے مطابق پاکستان میں تبدیلی کا آغاز ہوچکا ہے جس کو بلاول بھٹو زرداری پایہ تکمیل تک پہنچائیں گے۔