Tag: layyah news

لیہ( صبح پا کستان )صوبائی سیکرٹری ٹرانسپورٹ پنجاب اسدرحمان گیلانی کا ضلع لیہ ایک روزہ دور ہ ، ڈی سی آفس میں ٹرانسپورٹ معاملات و پرائس کنٹرول بارے بریفنگ ۔جنرل بس سٹینڈ ،مارکیٹوں ،ماڈل بازار ،ڈی ایچ کیوہسپتال کے اچانک معائنے۔تفصیل کے مطابق سیکرٹری ٹرانسپورٹ پنجاب اسدرحمان گیلانی نے ضلع لیہ کاایک روزہ دورہ کیا۔انہوں نے ڈی سی آفس کمیٹی روم میں ٹرانسپورٹ معاملات بارے منعقدہ اجلاس کی صدارت کی ۔ڈپٹی کمشنر اظفر ضیائ،اے ڈی سی جی اشفاق احمدسیال ،موٹر وہیکل ایگزامینروسیم فیروز،اے سی چوبارہ سلیمان احمد،ڈی او انڈسٹری محمدعبداللہ موجود،ڈسٹرکٹ فوڈ کنٹرول پرویز قریشی موجود تھے۔ اسدرحمان گیلانی نے اجلاس سے خطاب کرتے ہوئے کہا کہ حکومت پنجاب مسافروں کو آرام دہ سفری سہولیات فراہم کرنے کے لئے کوشاں ہیں ۔انہوں نے کہا کہ مقررہ کردہ کرایہ پر مسافروں کو بہترین،آرام دہ اور باوقار سفری سہولیات فراہم کی جائیں ۔اسد رحمان گیلانی نے کہا کہ جنرل بس سٹینڈ ،ڈی اور سی کلاس اڈوں پرتمام سہولیات اور سیکورٹی کی فراہمی کو یقینی بنایا جائے خلاف ورزی کرنے والوں کے خلاف کارروائی کی جائے ۔صوبائی سیکرٹری اسدرحمان گیلانی نے مزید کہا جو مالکان ائیرکنڈیشنڈ کرایہ وصول کررہے وہ انتظار گاہ اور گاڑیوںمیں ائیرکنڈیشنڈسہولیات دینے کے پابندہوں گے۔انہوں نے کہا کہ گاڑیوں کی پاسنگ،انکی فٹنس،کرایوں کی وصولی،ڈرائیوروں و عملے کے رویے بارے مسافروں کو شکایت نہیں ہونی چاہیے۔اس موقع پر سیکرٹری آرٹی اے کامران انور نے ملٹی میڈیا کے ذریعے ٹرانسپورٹ معاملات کرایہ نامہ،پینے کا پانی،مردانہ و زنانہ انتظار گاہ،کینٹین ،مساجد ،صفائی ستھرائی ،سی سی ٹی وی کیمروںکی موجودگی،جرمانہ و چالان کرنے،آگ سے بچاﺅ بارے آلات کی موجود گی ودیگر امور کے بارے میں تفصیلی بریفنگ دی۔صوبائی سیکرٹری ٹرانسپورٹ نے سی سی ٹی وی کیمروں کی میموری ایک ہفتہ تک بڑھانے،ڈرائیورز کے لیے الگ ریسٹ روم ،شکایت سیل کوچیک کرنے،اوگرا سے منظور شدہ سلنڈر رکھنے ،سپیشل پرسن کے لیے سہولیات فراہم کرنے کی ہدایت کی۔اس موقع پر ڈی او انڈسٹری محمدعبداللہ نے پرائس کنٹرول معاملات بارے اشیاءخوردنوش کے ریٹس ،سٹاک لمٹ کا تعین کرنے،عائد کردہ جرمانے ،پرائس کنٹرول مجسٹریٹس کی کارکردگی و ماہانہ اجلاس،قیمت پنجاب کے ذریعے موصولہ تمام 168شکایات کو حل کرنے ودیگر امور بارے تفصیلی بریفنگ دی ۔صوبائیسیکرٹری ٹرانسپورٹ پنجاب اسدرحمان گیلانی نے کہا کہ ماہ رمضان کی آمدپر قیمتوں میں اضافے اور مہنگائی کو کنٹرول کیاجائے اور ذخیرہ اندوزوں کے خلاف کارروائی کی جائے۔بعدازاں انہوں نے بس اڈوں، مسافر خانوں ،مارکیٹوں کا معائنہ کیا اور انتظامات کو تسلی بخش قراردیا۔دریں اثناءانہوں نے ڈی ایچ کیو ہسپتال لیہ کا بھی معائنہ کیا۔ایم ایس ڈاکٹر عتیق الرحمان نے بریفنگ دی ۔اس موقع پر انہوں نے ایمرجینسی،سٹور ادویات،ڈیوٹی پرموجودطبی عملہ کی حاضری،مریضوں کو طبی سہولیات کی فراہمی کو چیک کیا ۔اس موقع پر صوبائیسیکرٹری ٹرانسپورٹ پنجاب اسدرحمان گیلانی نے کہا کہ حکومت پنجاب شہریوں کوہمہ قسمی سہولیات کی فراہمی کے لیے کوشاں ہے جس کے لیے ضلعی انتظامیہ کلیدی کردار ادا کرے ۔