لیہ۔لیہ پولیس کی منشیات فروشوں کے خلاف کاروائی،مقدمات درج

لیہ(سٹی رپورٹر)لیہ پولیس کی منشیات فروشوں کے خلاف کاروائی،ملزمان عبد المجید،نور محمد گرفتاراورخدایار گرفتار،20لیٹر دیسی شراب،40لیٹر لہن اور چالو بٹھی برآمد،مقدمات درج تفصیلات کے مطابق تھانہ فتح پور پولیس کے سب انسپکٹر محمد رزاق اور اے ایس آئی حسن سلطان نے دو مختلف کاروائیوں کے دوران منشیات فروشوں کے خلاف کاروائی کرتے ہوئے عبد المجید اور نور محمد کو گرفتار کر لیا جن کے قبضہ سے چرس برآمد کر کے مقدمہ در ج کر لیا گیا جبکہ ِ،تھانہ چوبارہ پولیس کے اے ایس آئی نوید اسلم نے منشیات فروشوں کے خلا ف کاروائی عمل میں لاتے ہوئے ملزم خدایارکو گرفتار کر لیا،ملزم کے قبضہ سے،20لیٹر دیسی شراب،40لیٹر لہن اور چالو بٹھی برآمدکر کے مقدمہ کا اندراج کر لیا گیا،نوید اسلم کا کہنا ہے منشیات فروشوں کو کیفر کردار تک پہنچا کر سماجی برائیوں کا خاتمہ کیا جائے گا۔