لیہ(صبح پا کستان)سیکرٹری جنرل جماعت اسلامی پاکستان امیر العظیم نےمہنگائی کے خلاف جماعت اسلامی ضلع کیطرف سے نکالی جانے والی احتجاجی ریلی سے خطاب کرتے ہوئے کہا کہ مہنگائی ، بے روزگاری ، لاقانونیت اور اسٹیٹس کو ملک و ملت کے لیے وبال جان بن گیاہے ۔ کرپشن ، لوٹ کھسوٹ ، بد عہدی اور جہالت و غربت کے اندھیرے دور نہیں ہوں گے جماعت اسلامی نے ملک گیر اور ہمہ گیر رابطہ عوام کا آغاز کر دیا ہے ،
جماعت اسلامی پاکستان ملک کو بحرانوں سے نجات دلائے گی پاکستان کو ترقی و خوشحالی کی منزل سے دور کرنے والا وہ حکمرا ن طبقہ ہے جو مغرب اور یورپ کو اپنا قبلہ قرار دیتاہے ۔ ملک کوآئی ایم ایف کے سپرد کردیاگیا،معاشی پالیسیاں آئی ایم ایف بنا رہی ہے آئی ایم ایف کے نمائندے اب پاکستان سے نہیں بلکہ ملک پر مسلط کردہ اپنے نمائندوں سے گفتگو کرتے ہیں ،ریلی سے صوبائی نائب امیر جماعت اسلامی چوہدری اصغر علی گجر نے خطاب کرتے ہوئے کہا کہ حکومت اور ملکی سیاست ناکامیوں سے دوچار ہے ۔ جمہوریت اور سیاست کو اقتدار کی ہوس رکھنے والے گروہ نے ذاتی مفادات کی بھینٹ چڑھا دیاہے ۔ جمہوری استحکام کی راہ میں سب سے بڑی رکاوٹ یہی گروہ ہے ۔ ہم چاہتے ہیں کہ تبدیلی ووٹ اور جمہوری جدوجہد کے ذریعے آئے ۔ جمہوری قیادتوں نے پورے نظام کو عالمی استعمار کے سامنے ڈھیر کردیاہے ۔ عوام کو مہنگائی اور بے روزگاری سے نجات نہ ملی تو حکمرانوں کو اقتدار چھوڑنا پڑے گا حکومت مہنگائی اور بے روزگاری کے عفریت پر قابو پانے میں ناکام اور عوام کے صبر کا پیمانہ لبریز ہوچکاہے ۔ حکمرانوں نے ہوش کے ناخن نہ لیے تو غربت کے مارے عوام اقتدار کے ایوانوں اور حکمرانوں کے عالی شان بنگلوں کا گھیراءو کرنے سے دریغ نہیں گے ۔ انہوں نے کہاکہ اہل اور دیانتدار قیادت ہی ملک کو موجودہ بحرانوں سے نکال سکتی ہے،اس موقع پر صوبائی امیر جنوبی پنجاب راءو ظفر اقبال ،عبدالمقیت ودیگر نے بھی خطاب کیا ،مہنگائی کے خلاف احتجاجی ریلی مرکزی دفتر جماعت سے چلتے ہوئے فوراہ چوک،ختم نبوۃ چوک ،چوبارہ روڈ سے ہوتی ہوئی صدر بازار شمالی گیٹ پر اختتام پذیر ہوئی جہاں مقررین نے ریلی میں شریک شرکاء سے خطاب بھی کیا ریلی میں کثیر تعدار لوگوں نے شرکت کی ،ریلی کی قیادت مرکزی جنرل سیکرٹری جماعت اسلامی امیر العظیم ،صوبائی صدر جنوبی پنجاب راءو ظفر اقبال،صوبائی نائب صدر چوہدری اصغر علی گجر ومقامی قیادت نے کی ۔
