سلام آباد ۔ پاکستان میں اگر ابھی الیکشن ہوں تو سب سے زیادہ ووٹ مسلم لیگ ن کے حصے میں آئیں گے،روشن پاکستان کی جانب سے کئے گئے ایک سروے کے مطابق اس وقت ن لیگ سب سے زیادہ نشستیں حاصل کرنے کی پوزیشن میں ہے۔
سروے رپورٹ کے مطابق دوہزار اٹھارہ کے عام انتخابات کے بعد قومی اسمبلی میں نشستیں جیتنے کے حوالے سے کئے جانے والے جائزوں میں مسلم لیگ ن تحریک انصاف سے آگے دکھائی دے رہی ہے۔ اور وہ الیکشن میں ایک سو چھ نشستیں حاصل کرسکتی ہے۔
روشن پاکستان نے دوہزار بائیس کے عام انتخابات کے حوالے سے ایک سروے کرایا ہے جس کے بعد پیش گوئی کی گئی ہے کہ ن لیگ عام الیکشن میں باقی جماعتوں کو پیچھے چھوڑ دے گی۔ سروے کے بعد پیش گوئی کی گئی ہے کہ الیکشن 2022میں تحریک انصاف 76،پیپلز پارٹی53جے یو آئی ف 13اور ایم کیوایم دس نشستیں حاصل کرے گی۔
سروے رپورٹ کے مطابق مسلم لیگ ن گزشتہ برس کئے گئے ایک سروے میں بھی تحریک انصاف پر بھاری پڑتی دکھائی دی تھی اور تب اس کو سروے میں پی ٹی آئی سے انیس نشستیں زیادہ ملی تھیں تاہم اس بار ن لیگ کی مقبولیت میں زیادہ اضافہ دکھائی دے رہا ہے کیونکہ اس سروے میں ن لیگ کو پی ٹی آئی 34نشستیں زیادہ ملی ہیں۔
روشن پاکستان کے مطابق نشستوں کے حوالے سے پیشگوئی ووٹنگ کے حوالے سے موجودہ تاثرات اور خیالات کو سامنے رکھنے کے بعد کئے گئے جائزوں کی بنیاد پر کی گئی ہے۔
