Tag: layyah news

لیہ(صبح پا کستان)ماہِ صیام کے حوالے سے مؤثر سیکورٹی پلان ترتیب دے دیاگیا،نیشنل ایکشن پلان کے تحت کاروائی جاری،ٹریفک ایجوکیشن یونٹ عوام میں ٹریفک قوانین کی آگاہی کیلئے مصروف عمل،جرائم پیشہ عناصر کی بیخ کنی کیلئے ضلعی پولیس سرگرم عمل،کیپٹن(ر)محمدعلی ضیاء کا ممبران اسمبلی کے اجلاس سے خطاب،ممبران اسمبلی کی مختلف تجاویز،ضلعی پولیس کی کارکردگی پر اظہاراطمینان۔تفصیلات کے مطابق دفترپولیس کے کانفرنس روم میں منعقدہ اجلاس میں ممبرصوبائی اسمبلی چوہدری اشفاق احمد، سردارقیصرعباس مگسی،سردار شہاب الدین خان سیہڑوسابق ممبرصوبائی اسمبلی عبدالشکور سواگ ،ڈی ایس پی صدر سرکل محمداکرم خان نیازی،ڈی ایس پی چوبارہ واجدعلی ، ڈی ایس پی ہیڈکوارٹرزطاہر مقصود ،انچارج ٹریفک انسپکٹرغلام رسول ،انچارج سیکورٹی انسپکٹرمحمدطارق ،پی اے غلام شبیر اورپی آراوعرفان فیض موجودتھے ڈی پی او نے کہا کہ ماہِ صیام کے حوالے سے فول پروف سیکورٹی پلان ترتیب دے کر ڈیوٹیاں تفویض کردی گئی ہیں ضلع بھر میں نیشنل ایکشن پلان کے تحت مؤثرکاروائی عمل میں لائی جارہی ہے تھانہ جات پر درج ہونے والے مقدمات میں سے 84%مقدمات میں چالان مرتب کرکے مجازعدالتوں میں بھجوائے جائے چکے ہیں عوام میں ٹریفک قوانین کے متعلق شعور اجاگرکرنے کیلئے ٹریفک ایجوکیشن یونٹ مصروف عمل ہے اور مختلف جگہوں پر ٹریفک قوانین کے متعلق لیکچرز کا اہتمام کیاجارہاہے جبکہ سلوموونگ وہیکلز پر ریفلیکٹرزلگانے کا عمل بھی جاری ہے ڈی پی او نے کہا کہ کمیونٹی پولیسنگ کے عملی ثمرات کیلئے منتخب نمائندوں ومعاشرے کے دیگرطبقات سے رابطے وتعاون کوفروغ دے کر ضلع میں امن وامان کے قیام ،جرائم پیشہ عناصر کی بیخ کنی کیلئے ضلعی پولیس سرگرم عمل ہے ممبران اسمبلی نے پولیس کی کارکردگی پر مجموعی طورپر اطمینان کا اظہارکیا اورمؤثر سیکورٹی وامن وامان کیلئے مختلف نوعیت کی تجاویزدیں ڈی پی او نے کہا کہ ممبران اسمبلی کی تجاویزکوملحو ظ خاطر رکھتے ہوئے عملی اقدامات کئے جائیں گے اور ماہانہ بنیادوں پر میٹنگ کا سلسلہ جاری رکھاجائے گا ۔