لیہ کی خبریں

چوبارہ ۔ غیر ت کے نام پر خاتون کو قتل کرنے کی کوشش لدھانہ ۔ بینک سے پیسے نکلو ا کر باپ بیٹوں کو ڈکیتوں نے گھیر لیا، پیسے چھیننے میں مزاحمت پر ٹانگوں میں گولی مار دی سپورٹس ۔ ضلع لیہ کی کرکٹ ٹیم بہاولپور ریجن کا چیمپیئن بن گیا محکمہ صحت ۔ضلع لیہ میں خرید کی گئی بھاری تعداد میں او آر ایس کے ڈی ٹی ایل فیل رپورٹ

چوبارہ ۔ غیر ت کے نام پر خاتون کو قتل کرنے کی کوشش لیہ(صبح پا کستان) لیہ میں غیر ت کے نام پر خاتون کو قتل کرنے کی کوشش ، ناکامی پر ملزم نے کلہاڑی کے وار سے کزن کے ناک اور ہونٹ کاٹ ڈالے، زخمی خاتون کو ڈسٹرکٹ ہسپتال لیہ منتقل کر دیا گیا ،17 سالہ ملزم گرفتار ،اعتراف جرم کر لیا ۔ لیہ کی تحصیل چوبارہ کے چک نمبر 347ٹی ڈی اے میں غیر ت کے نام پر چچا زاد بھائی کی

جانب سے طلاق یافتہ خاتون مبشرہ مائی کو قتل کی کوشش کا واقعہ سامنے آیا ہے، خاتون کی مزاحمت پر 17سالہ ملزم ناصر نے تیز دھار کلہاڑی کا وار کر کے خاتون کا ناک اور دونوں ہونٹ کاٹ ڈالے، ڈسٹر کٹ ہسپتال لیہ میں خاتون کو طبی امددا فراہم کر دی گئی تاہم اسکی حالت خطر ئے میں بتا ئی جاتی ہے ، پولیس تھانہ چوبارہ نے متاثرہ 25 سالہ خاتون کے والد امیر خان کی مدعیت میں مقد مہ درج کیا ہے جبکہ پولیس نے 17سالہ ملزم ناصر کو بھی گرفتار کر لیا ،جس نے اپنے جرم کا اعتراف کیا ہے ،پولیس نے ملزم کو مقامی عدالت میں پیش کر تے ہو ئے چار روز کا جسمانی ریمانڈ حاصل کر تے ہو ئے جیل منتقل کر دیا ہے لدھانہ ۔ بینک سے پیسے نکلو ا کر باپ بیٹوں کو ڈکیتوں نے گھیر لیا، پیسے چھیننے میں مزاحمت پر ٹانگوں میں گولی مار دی، باپ بیٹا شدید زخمی، ملزم فرار لیہ(صبح پا کستان) بینک سے پیسے نکلو ا کر باپ بیٹوں کو ڈکیتوں نے گھیر لیا، پیسے چھیننے میں مزاحمت پر ٹانگوں میں گولی مار دی، باپ بیٹا شدید زخمی، ملزم فرار ہو گئے۔تفصیل کے مطابق لدھانہ کے تاجر محمد خان اور اس کا بیٹا نواز خان لیہ کے بینک سے تین لاکھ روپے نکلوا کر واپس اپنی دوکان لدھانہ پر جا رہے تھے کہ موٹر سائیکل 125پر پیچھا کر نے والے ڈکیتوں نے لدھانہ مائنر پر گھیر لیا، پیسے چھیننے میں مزاحمت پر ملزمان نے باپ بیٹے کو ٹانگوں میں گولیا ں مار دیں اور موقع سے فرار ہو گئے۔ ریسکیو 1122نے زخمی ہونے والے با پ بیٹے کو علاج کے لئے ڈسٹرکٹ ہیڈ کوارٹر ہسپتال لیہ منتقل کر دیا جبکہ تھانہ پیر جگی پولیس نے نا معلوم ملزمان کے خلاف مقدمہ بھی درج کر لیا۔ ضلع لیہ کی کرکٹ ٹیم بہاولپور ریجن کا چیمپیئن بن گیا لیہ(صبح پا کستان)انٹرڈسٹرکٹ سینئر کرکٹ لیگ ٹورنامنٹ چیمیئن شپ بہاولپور ریجن، چیمپئن شپ ضلع لیہ نے جیت لی،چیمپئن شپ میچز میں لیہ 29پوائنٹ سے پہلے نمبر پر،بہاولنگر27پوائنٹ سے دوسرے نمبر جبکہ رحیم یار خان 25پوائنٹ سے تیسرے نمبر پر رہا ،بہاولپور ریجن میں ڈیرہ غازیخان ڈویژن اور بہاولپور ڈویژن کے اضلاع شامل ہیں ،ہر ضلع کی سینئرز کھلاڑیوں کی کرکٹ ٹیم نے لیگ سسٹم کے تحت 5میچز کھیلے،ضلع لیہ کی ٹیم نے اپنے 5میچز میں 3میچز جیتے 1میچ ہارا اور ایک میچ برابر کھیلا ،ضلع لیہ نے لیگ سسٹم کا اپنا آخری میچ ضلع راجن پور کی ٹیم کے ساتھ کھیلا جس میں ایک اننگز اور 20سکور سے راجن پور کی ٹیم کو شکست سے دوچار کیا ضلع لیہ کی ٹیم کے مدثر علوی،ریاست علی،افراسین حسین،مزمل تحسین کھلاڑیوں نے شاندار کارکردی کا مظاہرہ کرتے ہوئے ٹیم کو کامیابی سے ہمکنار کیا،کرکٹ ایسوسی ایشن بہاولپور ریجن کے صدر حیدر کامران چوہدری،ضلع صدر تنصیر کاظمی،احمد فرحان نے ضلع لیہ کی ٹیم کو اور آفیشل اشرف حسین کوشاندار کامیابی پر مبارکباد دی ہے ڈرگ ٹیسٹنگ لیبارٹری پنجاب لاہور نے ضلع لیہ میں خرید کی گئی بھاری تعداد میں او آر ایس کے ڈی ٹی ایل فیل کی رپورٹ محکمہ صحت ضلع لیہ کو جاری کردی لیہ(صبح پا کستان)ڈرگ ٹیسٹنگ لیبارٹری پنجاب لاہور نے ضلع لیہ میں خرید کی گئی بھاری تعداد میں او آر ایس کے ڈی ٹی ایل فیل کی رپورٹ محکمہ صحت ضلع لیہ کو جاری کردی،محکمہ صحت ضلع لیہ نے مالی سال 2016-17کیلئے ادویات کی خریداری کی بچوں میں پانی کی کمی کو دورکرنے کیلئے 30ہزار پیکٹ اوآر ایس GLITZفارما کمپنی سے خرید کئے ،ڈرگ ٹیسٹنگ لیبارٹری پنجاب کو ادویات کے ڈی ٹی ایل کیلئے سیمپل بھیجھے گئے پنجاب ٹیسٹنگ لیبارٹری نے او آر ایس کے سیمپل فیل ہونے کی رپورٹ محکمہ صحت ضلع لیہ کو بھجوا دی،ای ڈی او صحت ڈاکٹر ضیاء الحسن نے بتایا کہ رپورٹ آنے کے بعد سے او آر ایس کی سنٹروں کو سپلائی بند کر دی گئی ہے۔

رپورٹ ۔ عبد الرحمن فریدی پریس رپورٹر