Tag: layyah news

لیہ(صبح پا کستان)معذور باپ کی بیٹی کو اسلحہ کے زور پر چھ افراد نے اغوا کر لیا، اجتماعی زیادتی کا نشانہ بنانے کے بعد درج مقدمہ بھی بھاری رشوت کے بعد خارج ہوگیا، متاثرہ لڑکی او ر والدین کی انصاف نہ ملنے پر خودکشی کی دھمکی، آئی جی پنجاب سے نوٹس لینے کا مطالبہ۔چک نمبر 145ٹی ڈی اے کی رہائشی 15سالہ عالیہ رباب نے اپنے والد محمد اقبال سامٹیہ اور والد ہ کے ہمراہ پریس کانفرنس کرتے ہوئے کیا۔ ان کا کہنا تھا کہ مجھے ایک سال تک محمد فیصل، ظفر، محمد اعجاز، سعید احمد نے گھر سے اسلحہ کے زور پر اغوا کیا اور بعدا زاں اجتماعی زیادتی کا نشانہ بنایا جاتا رہا ۔ عالیہ رباب نے کہا کہ بعدازاں مجھ سے زبردستی نکاح فارم پر انگوٹھے لگوا لئے گئے ۔ انہوں نے بتایا کہ میری عزت کو تار تار کرنے والے غنڈہ افراد نے اجتماعی زیادتی کا نشانہ بنایا اور تھانہ پیر جگی میں درج زیادتی کا مقدمہ بھی ایس ایچ او مہر ریاض نے بھاری رشوت اور سیاسی پریشر پر مقدمہ خارج کر دیا ہے۔ والدین نے روتے ہوئے بتایا کہ تین ماہ کا عرصہ گزرنے کے باوجود آج تک ہمیں ڈی این اے رپورٹ نہیں ملی۔ والدین نے آئی جی، ڈی آئی جی ، ڈی پی او لیہ کیپٹن (ر) محمد علی ضیا سے مطالبہ کیا کہ ہمیں انصاف دلایا جائے ورنہ ہم ڈی پی او آفس کے باہر خود کشی کر لیں گے۔رابطہ پر ایس ایچ او مہر ریاض نے بتایا کہ مقدمہ خارج ہو چکا ہے ، اب اس پر بات نہیں ہو سکتی اور کال ڈراپ کر دی۔ رپورٹ ۔سر فراز واندر پریس رپورٹر