Tag: DG khan news

ڈیرہ غازی خان ۔علامہ اقبال ٹیچنگ ہسپتال میں تھیلیسیمیا سے متاثرہ بچوں میں خون کی بوتلیں تقسیم کی گئیں اس موقع پر اسسٹنٹ کمشنر تیمور عثمان ،ڈاکٹر علی ہاشم خان،حماد خان کے علاؤہ نرسسز سٹاف بھی موجود تھا میڈیکل سپرنٹنڈنٹ ڈاکٹر منصور احمد افغان نے کہا کہ علامہ اقبال ٹیچنگ ہسپتال میں تھیلیسیمیا کے مریض بچوں کو علاج معالجہ اور خون کی فراہمی کیلئے خصوصی سہولیات مہیا کی جا رہی ہیں۔ .انہوں نے کہا کہ تھیلیسیمیا ایک موروثی مرض ہے جس سے بچاؤ بروقت ٹیسٹ اور احتیاطی تدابیر اختیار کر کے ممکن بنایا جا سکتا ہے۔ انہوں نے نوجوانوں اور والدین پر زور دیا کہ شادی سے قبل تھیلیسیمیا ٹیسٹ ضرور کروائیں تاکہ آنے والی نسلوں کو اس بیماری سے محفوظ بنایا جا سکے۔ انہوں نے مخیر حضرات اور سماجی تنظیموں پر زور دیا کہ وہ تھیلیسیمیا کے بچوں کی معاونت کیلئے آگے آئیں تقریب کے دوران تھیلیسیمیا سے متاثرہ بچوں میں خون کی بوتلیں تقسیم کی گئیں جبکہ شرکاء کو بیماری سے بچاؤ اور احتیاطی تدابیر کے حوالے سے آگاہی فراہم کی گئی۔ آخر میں تھیلیسیمیا سے متاثرہ بچوں کی صحت و تندرستی اور ملک کی سلامتی کیلئے خصوصی دعا بھی کی گئی۔