ڈیرہ غازی خان (ِِِِِِصبح پا کستان)بورڈ آف انٹر میڈیٹ اینڈ سکینڈری ایجوکیشن ڈیرہ غازی خان نے میٹرک اسپیشل امتحان 2021کے نتائج کا اعلان کر دیا کامیابی کا تناسب68.73فیصد رہاجبکہ دو امیدواران 100فیصد مارکس حاصل کرنے میں کامیابہ ہوئے ان خیالات کا اظہار چیئر پرسن ثانوی و اعلیٰ ثانوی تعلیمی بورڈ ڈاکٹر کشور ناہید رانا نے پنجاب حکومت کی ہدایت کے مطابق صبح10بجے نتائج کا اعلان آن لائن کرتے ہوئے کیا
ڈاکٹر کشور ناہید رانا نے بتایا کہ میٹرک اسپیشل امتحان 2021میں 1711امیدوارامتحان میں شریک ہوئے جن میں سے1176امیدوار کامیاب ہوئے اس طرح کامیابی کا تناسب68.73فیصد رہا انہوں نے مزید بتایا کہ دو امیدواروں نے 100فیصد نمبر حاصل کرنے میں کامیاب ہوئے ہیں سابقہ نتائج کی طرح میٹرک امتحان میں بھی طلبہ کی نسبت طالبات میں کامیابی کی شرح زیادہ رہی کیونکہ میٹرک اسپیشل امتحان 2021میں 1270طلبہ نے شرکت کی جن میں سے 842کامیاب ہوئے اس طرح کامیابی کی شرح 66.30فیصد رہی جبکہ 441طالبات نے امتحان میں حصہ لیا جن میں سے 334طالبات نے کامیابی حاصل کی اسطرح طالبات میں کامیابی کی شرح 75.74فیصد رہی اس موقع پر کنٹرولر امتحانات مرزا محمد ظہیر اصغر، ڈپٹی کنٹرولر شیخ امجد حسین، RCOحبیب الرحمن،سسٹم اینالسٹ محمد بلال، ظہیر فاروقی، امجد رزاق غوری و دیگر افسران بھی انکے ہمراہ موجود تھے اس موقع پر کنٹرولر امتحانات مرزا محمد ظہیر اصغر نے بتایا کہ کامیابی کی شرح کے لحاظ سے ضلعی سطح پر لیہ سب سے آگے جس میں امیدواروں کی کامیابی کی شرح 77.92فیصد، ڈیرہ غازی خان 70.11فیصد تناسب کے ساتھ دوسرے نمبر، مظفر گڑھ 63.81فیصد تناسب کے ساتھ تیسرے نمبر پر جبکہ راجن پور 62.66فیصد تناسب کے ساتھ چوتھے نمبر پر رہا انہوں نے مزید بتایا کہ امتحانی عمل سے نتائج کے اعلان تک شفافیت اور میرٹ کو ملحوظ خاطر رکھا تاکہ کسی بھی امیدوار کے ساتھ کسی قسم کی زیادتی نہ ہو ا۔
