Tag: layyah news

لیہ(صبح پا کستان)امیدوار قومی اسمبلی حلقہ این اے 187صاحبزادہ محبوب الحسن سواگ کی قیادت میں نواز شریف کے بیانیہ اور ختم نبوت پر غداری کرنے کے خلاف احتجاجی ریلی دربار پیر سواگ شریف سے ڈسٹرکٹ پریس کلب لیہ تک احتجاجی ریلی نکالی گئی ،احتجاجی ریلی سے خطاب کرتے ہوئے امیدوار ایم این اے صاحبزادہ محبوب الحسن سواگ نے کہا کہ پہلے مسلمان پھر پاکستانی ہیں حضور اکرم ﷺکی شان میں گستاخی کرنے والے کا انجام اس دنیا میں بھی برا ہے اور آخرت میں بھی اپنے انجام تک پہنچے گا،انہوں نے کہا کہ تحفظ ناموس رسالت اور ختم نبوتﷺکیلئے ہماری جان مال وقت ہرچیز قربان ہے نواز شریف ملک میں انتشار پھیلانا چاہتا ہے ،ملک کے اداروں کے تقدس کو پامال کرنے پر تلا ہوا ہے ملک کے سابق وزیر اعظم کو ملک کی سلامتی کے خلاف بیانیہ دینا زیب نہیں دیتا ہم آج اس ریلی کے حوالے سے مطالبہ کرتے ہیں کہ نواز شریف کے بمبئی حملہ کے حوالے سے دی جانے والے بیان کی فوری طور پر تحقیق کروا کر ملک سے غداری کا مقدمہ درج کرایا جائے ،انہوں نے کہا کہ ملک کے ادارے پاک آرمی،آئی ایس آئی،آئی بی و دیگر ادارے ملک کی بقا اور سلامتی کیلئے اپنی جان کا نذرانہ پیش کررہے ہیں ان کی قربانیوں کی مثال دنیا میں نہیں ملتی ،ہم ان کی قربانیوں کو سلام پیش کرتے ہیں ،ریلی کی قیادت صاحبزادہ محبوب الحسن سواگ دربار عالیہ پیر سواگ شریف،صاحبزادہ مفتی احمد حسن باروی دربار عالیہ پیر بارو شریف نے قیادت کی اس موقع پر مولانا غلام عباس باروی قاری طاہر نور نے بھی خطاب کیا۔