Tag: layyah news

لیہ( صبح پا کستان )پریڈ کے تسلسل سے فورس کے مورال میں اضافہ ہو ر ہا ہے ،نظم و ضبط میں بہتری آئی ہے ،کار کردگی میں بہتری کیلئے اہلکاران میں بلند مورال کا ہونا لازمی ہے ۔تفصیلات کے مطابق پولیس لائن لیہ میں علی الصبح جنر ل پریڈ کا انعقاد کیا گیا ،پریڈ کے دوران ڈی پی او لیہ رانا طاہر رحمان خان نے سلامی لی ،ایلیٹ فورس ،ٹریفک اور ضلع پولیس کے دستوں نے مارچ پاسٹ کرتے ہوئے سلامی پیش کی ،جنرل پریڈ میں ڈی ایس پی طاہر گیلانی ،ڈی ایس پی فرحت رسول ،ڈی ایس پی اعجاز رندھاوا ،ڈی ایس پی شاہدہ نسرین اور ایس ایچ اوز تھانہ جات بھی شریک تھے،ڈی پی او نے پولیس افسران سے خطاب کرتے ہوئے کہاکہ پریڈ کے تسلسل سے فورس کے مورال میں اضافہ ہو ر ہا ہے ،نظم و ضبط میں بہتری آئی ہے ،کار کردگی میں بہتری کیلئے اہلکاران میں بلند مورال کا ہونا لازمی ہے ،رانا طاہر رحمان نے بہترین پر یڈ کے انعقاد پر لائن افسر قیصر اقبال و دیگر عملہ کو شاباش دی ،بہترین ٹرن آؤٹ والے اہلکاران کو تعریفی سر ٹیفکیٹ سے بھی نوازا،ڈی پی او نے پولیس گاڑیوں کی انسپکشن کی اور میس ہال،رہائشی بیرکس ،محرر آفس ،اسلحہ کوت ،ریسورس مینجمنٹ سنٹر کا وزٹ کیا ،لائن کی صفائی کا نظام بھی چیک کیا ۔