لیہ ۔ افواج پاکستان کو خراج تحسین پیش کرنے کیلئے پاکستان پیپلز پارٹی کی جانب سے ڈسٹرکٹ پریس کلب کے سامنے کیمپ

لیہ(صبح پا کستان)پاکستان پیپلز پارٹی ضلع لیہ کی جانب سے ڈسٹرکٹ پریس کلب لیہ کے سامنے افواج پاکستان کو خراج تحسین پیش کرنے کیلئے کیمپ کا انعقاد کیا گیا کیمپ کی قیادت ضلعی جنرل سیکرٹری قاضی احسان اللہ خان نے کی جبکہ پیپلز پارٹی کے عہدیداران و ذیلی تنظیموں کے کارکنان نے شرکت کی ضلعی جنرل سیکرٹری قاضی احسان اللہ خان نے خطاب کرتے ہوئے کہا کہ پاکستان پیپلز پارٹی ملک کے مضبوط دفاع پر یقین رکھتی ہے شہید ذوالفقار علی بھٹو نے قوم کو ایٹمی طاقت بنا کر ملک کے دفاع کو ناقابل تسخیر بنا دیا بے نظیر بھٹو نے ملک کیلئے میزائل ٹیکنالوجی کا حصول ممکن بنایا موجودہ فوجی طاقت نے ملک کے مؤثر دفاع کو یقینی بنانے کیلئے اپنی صلاحیتوں کو استعمال کرکے بھارت کے منہ پر طمانچہ مارا ہے دشمن کے جہاز کو مار گرانا ہماری افواج کی صلاحتوں کا منہ بولتا ثبوت ہے،موجودہ حکومت مخالف سیاسی پارٹیوں کو انتقام کا نشانہ بنا رہی ہے اس ملک میں مضبوط دفاع اور جمہوری عمل سے پاکستان پوری دنیا میں اپنی ایک حیثیت سے آزادی کے ساتھ قائم ہے موجودہ حکومت نے حالیہ مہنگائی سے عوام کا جینا مشکل کردیا ہے کیمپ شرکا سے ضلعی فنانس سیکرٹری مظفر جٹ،تحسین رضا ،اکرم بھٹہ،صدر تحصیل چوبارہ انیس کامران لاشاری سلطان سندھو ،شفیق میرانی،شیخ خرم طارق،طاہر خان،مبشر،مجید ہانس،سیدہ نصرت بی بی،غلام عینی،عبدالمجید ساقی،غفور سامٹیہ،بشیر ملنگ،مجاہد بلوچ،محمد عارف ودیگر نے خطاب کیا اور کہا کہ پاکستان آرمی کو خراج تحسین پیش کرتے ہیں شرکا نے پاک فوج کے حق میں بینرز اٹھا رکھے تھے،کیمپ میں ڈیرہ ڈویژن سے تعلق رکھنے والے شہید فوجیوں کے درجات بلند کرنے کیلئے دعا بھی کرائی گئی۔