جنوبی پنجاب

کروڑ (صبح پاکستان) پاک فوج اور ریاستی اداروں کے خلاف سوشل میڈیا پر پراپیگنڈہ کرنے والے شہری شیخ ذکاراحمد ایڈووکیٹ کے خلاف تھانہ کروڑ میں مقدمہ درج!

ایک اخباری رپورٹ کے مطابق پاکستان بھر میں سوشل میڈیا پر منفی پروپیگنڈہ/جعلی خبریں اور اشتعال پھیلانے پر سرکاری حکام نے مزید تیرہ افراد کے خلاف مقدمات/ایف آئی آر درج کی ہیں۔ ذرائع نے تصدیق کی کہ سائبر کرائمز سے نمٹنے والے متعلقہ محکموں کی جانب سے سوشل میڈیا پر منفی پروپیگنڈے میں ملوث افراد کے خلاف قانونی کارروائی تیز کردی گئی ہے۔

حکومت نے سوشل میڈیا پر ریاست اور ریاستی اداروں کے خلاف مختلف پوسٹس کے ذریعے اشتعال انگیزی پھیلانے والوں کے خلاف سخت قانونی کارروائی شروع کر دی ہے۔ ذرائع کے مطابق ان افراد کے خلاف مقدمات درج کیے گئے ہیں جن میں سلیم اختر، سلمان ناصر، ساجد حسین، محمد خالد خورشید، عاصم ایوب اور بابر مظفر شامل ہیں۔ ذرائع نے مزید بتایا کہ الزامات کا سامنا کرنے والے دیگر افراد میں شیر عظیم خان، مبین شاہ، علی حیدر، نادر حسین، چوہدری ذوالفقار، جمیل مرزا اور محمد باسط ملک شامل ہیں۔ ملزمان کا تعلق گوجرانوالہ، سیالکوٹ، گجرات، لیہ، رحیم یار خان، مظفر گڑھ، بہاولنگر، گلگت، غذر اور ژوب کے اضلاع سے ہے۔ اس سے قبل 19 دیگر افراد کے خلاف مقدمات درج کیے جا چکے ہیں۔