لیہ . گندم کے کاشتکاروں کی حوصلہ افزائی کے لیے پلاٹس کی کٹائی کی قرعہ اندازی

لیہ ۔(صبح پا کستان )ضلع لیہ میں گندم کے کاشتکاروں کی حوصلہ افزائی کے لیے پلاٹس کی کٹائی کی قرعہ اندازی کردی گئی ۔تین خوش نصیبوں کو پیداوای لحاظ سے بالترتیب 3لاکھ،2لاکھ،1لاکھ روپے دیے جائیں گے۔ڈپٹی کمشنر خالدپرویز نے کمیٹی روم میں پلاٹس کی کٹائی کی قرعہ اندازی کی ۔اس موقع پرایڈیشنل ڈپٹی کمشنر ریونیوشرجیل حفیظ وٹو،اسسٹنٹ کمشنر تحصیل کروڑ انعم اکرم،ڈپٹی ڈائریکٹرزراعت غلام یاسین واندر،ڈپٹی ڈائریکٹرشیخ عاشق حسین موجود تھے۔ڈپٹی کمشنر خالدپرویز نے منتخب پلاٹس کی قرعہ اندازی کرتے ہوئے تین کاشتکاروں کے نام نکالے اور انہیں مبارک باددی۔ڈپٹی کمشنر نے کہاکہ قومی پروگرام برائے گندم پیداوار کے تحت منتخب ہونے والے پلاٹس کی کٹائی 15سے 19اپریل تک کی جائے گی جس میں پہلی پوزیشن کے حامل کو 3لاکھ،دوسری 2لاکھ ،جبکہ تیسری پوزیشن کے حامل کو1لاکھ روپے انعام دیاجائے گا۔ڈپٹی کمشنر نے کہاکہ حکومت پنجاب کاشتکاروں کی فلاح وبہبود کیلئے گراں قدرخدمات انجام دے رہی ہیں کیونکہ کاشتکار اور شعبہ زراعت ملکی ترقی میں ریڑھ کی حیثیت رکھتا ہے ۔ڈپٹی کمشنر نے مزید کہاکہ پوزیشن کے حقدار میرٹ پرکیے گئے ہیں جس میں پانچ رکنی کمیٹی نے گندم کی فصل کے معائنہ ،بروقت پانی ،صفائی ودیگرامور کو مدنظررکھتے ہوئے پلاٹس کو منتخب کیے ہیں ۔اس موقع پر ڈپٹی ڈائریکٹرزراعت غلام یاسین واندرنے بریفنگ دی۔