Tag: DG khan news

ڈیرہ غازی خان ( صبح پا کستان) صدر ایمپلائز ویلفیئر ایسوسی ایشن تعلیمی بورڈ ڈیرہ ظفر اقبال کھوسہ نے کہا ہے کہ ایمپلائز کسی بھی ادارے میں ریڑھ کی ہڈی کی حیثیت رکھتے ہیں انکی عزت نفس مجروح کرنے کا اختیار کسی کو نہیں دیں گے سیکرٹری بورڈ ہذا راؤ شاہد محمود نے ملازمین کے ساتھ بد اخلاقی بد زبانی معمول بنا لیا ہے ملازمین کا پیمانہ صبر لبریز ہوچکا ہے انکی ملازمین سے بد زبانی کسی صورت برداشت نہیں کریں گے یہ بات انہوں نے گذشتہ روز قلم چھوڑ ہڑتال کے دوران پر امن احتجاج کرتے ہوئے کہی ظفر اقبال نے قلم چھوڑ ہرٹال کا شیڈول جاری کرتے ہوئے کہا کہ آج بھی ایمپلائز 11بجے سے 1بجے تک قلم چھوڑ ہڑتال جاری رکھیں گے اور ایک بجے یونین آفس میں تمام ایمپلائز ویلفیئرایسوسی ایشن مجلس عاملہ ، ایکش کمیٹی مشاورتی کونسل کا اجلاس ہوگا جس میں آئندہ کے لائحہ عمل کا شیڈول دیا جائے گا اس موقع پر سینئر نائب صدر انور شاہین ، جنرل سیکرٹری محمد بلال جوئیہ نے بھی خطاب کیا انہوں نے کہا کہ ملازمین کی عزت نفس اور حقوق کا تحفظ ہمارامشن ہے اور انشاء اللہ اس مقصد کے لیے اپنی جدوجہد جاری رکھیں گے ہڑتال کے دوران ملازمین نے سیکرٹری بورڈ ہذا راؤ شاہد کی بد زبانی کے خلاف نعرہ بازی بھی کی اس موقع پر جنرل سیکرٹری محمد بلال جوئیہ ، سینئر نائب صدر حاجی محمد انور شاہین ، نائب صدر حاجی محمد ریاض ، ایڈیشنل جنرل سیکرٹری سید اعجاز مہدی ، ڈپٹی جنرل سیکرٹری محمد عابد ، فنانس سیکرٹری عبدالرحمن آصف، پریس سیکرٹری محمد عثمان غنی ، آڈیٹر محمد نعیم اختر ، آفس سیکرٹری حاجی مظہر احمد خان شیروانی ، چیئر مین مجلس عاملہ خدا بخش لغاری ، چیئر مین ایکشن کمیٹی عطاللہ کھوسہ ، چیئر مین مشاورتی کونسل محمد ارشد شیروانی کے علاوہ بورڈ ملازمین کی کثیر تعداد موجود تھی ۔