کرونا وائرس لیہ اپ ڈیٹ

لیہ:03اپریل 2020( صبح پا کستان )ضلعی انتظامیہ کا کورونا وائرس سے بچاﺅ کے سلسلہ میں ایک اور احسن اقدام۔سبزی و فروٹ منڈی لیہ میں سینیٹائزر واک تھرو گیٹ کا افتتاح ۔ تفصیل کے مطابق ڈپٹی کمشنر اظفر ضیاء،ایم پی اے سید رفاقت علی گیلانی،ڈی پی او حسن اقبال نے کوروناوائرس سے بچاﺅ و پیشگی حفاظتی اقدام کے تحت سبزی و فروٹ منڈی لیہ کے داخلی دروازے پر نصب سینیٹائزر واک تھرو گیٹ کاافتتاح کیا جسے باقاعدہ فنکشل کردیاگیا۔اس موقع پر ڈپٹی کمشنر اظفراورایم پی اے سیدرفاقت علی گیلانی نے کہا کہ سبزی منڈی میں زیادہ آمدورفت کے پیش نظر سینٹائزر واک تھرو گیٹ نصب کیاگیا ہے ۔انہوں نے کہا کہ اس گیٹ کو داخلی دروازے پر نصب کرنے کا بنیادی مقصد اندرآنے والے ہر فرد پر آٹومیٹک طریقہ سے جراثیم کش سپرے کیاجائے گااس سینیٹائزر واک تھرو گیٹ کے ذریعے سبزی منڈی میں آنے والے ہرفرد کی کلورونیشن ممکن ہوسکے گی۔انہوں نے اس موقع پر کہا حکومت پنجا ب عوام کو کورونا وائرس سے محفو ظ رکھنے کے لئے ہر ممکن اقدامات اُٹھارہی ہے ۔انہوں نے کہا کہ حکومت پنجاب وزیر اعلی سردار عثمان بزدار کی سربراہی میں عوام کو اس مشکل گھڑی میں تنہا نہیں چھوڑے گی تاہم عوام حکومتی اقدامات پر عمل درآمد کرتے ہوے گھروںسے غیرضروری طورپر نہ نکلیں اور کورونا سے محفوظ رہنے کے لئے جراثیم کش صابن سے ہاتھ ضروردھویں۔اس موقع پر ڈپٹی کمشنر ،ایم پی اے ،ڈی پی او نے سینٹائزر واک تھرو گیٹ سے گزر کر خود پر سپرے کروانے کے عملی کام کا جائزہ بھی لیا۔اس موقع پر ای اے ڈی اے راشد ابراہیم ،ملک مظفر اقبال دھول،واحدبخش باوری بھی موجود تھے۔دریں اثناءمعاون خصوصی وزیر اعلی پنجاب سید رفاقت علی گیلانی ،ڈپٹی کمشنر اظفر ضیاء،ڈی پی او حسن اقبال نے ڈی ایچ کیو اور قرنطینہ سنٹربہادر کیمپس حافظ آباد میں آئسولیشن سنٹرکا معائنہ کیا اور انتظامات کا جائزہ لیتے ہوئے انتظامات کو تسلی بخش قرار دیا۔علاوہ ازیں ڈی سی کمپلیکس میں لاک ڈاون کی وجہ سے بےروزگار ہونے والے افراد کو معاشی ریلیف دینے کے سلسلہ میں اجلاس منعقد ہوا جس میں مالی امداد کی تقسیم کے طریقہ کار، مستحقین کی جانچ پڑتال اور دیگر امور کا جائزہ لیا گیا