لیہ (صبح پا کستان)لیہ میں کروناکے مشتبہ ایک اور مریض سامنے آگیا،
کراچی سے آنے والے 25سالہ نوجوان کو گلے،بخار،نزلہ کی علامات ظاہر ہونے پر ڈسٹرکٹ ہیڈ کوارٹر ہسپتال لیہ کے کرونا وارڈ میں داخل کرادیا گیا،تفصیل کے مطابق چند دن قبل کراچی سے محمد رمضان ولد نذیر احمد سکنہ کوٹ سلطان اپنے گھر واپس آیا جہاں طبعیت خراب ہوگئی گذشتہ روز ڈسٹرکٹ ہیڈ کوارٹر ہسپتال لیہ میں بخار،گلے میں خرابی،خشک کھانسی اور نزلہ کی علامات ظاہر ہونے پر ہسپتال انتظامیہ لیہ نے چیک کرکے مریض کو ہسپتال میں قائم کئے گئے آئسولیشن وارڈ میں داخل کرکے نمونہ جات لیکر تجزیہ کیلئے لیبارٹری بھجوا دیئے گئے۔
