لاہور

لاہور(ویب ڈیسک) پاکستان تحریک انصاف (پی ٹی آئی) کی حکومت میں‌ ہونے والے مختلف شعبہ جات کے منافعوں کی فہرست منظر عام پر آگئی، عارف حبیب لمیٹڈ کی سالانہ منافع کی رپورٹ نے عمران خان اور عثمان بزدار کی قیادت کے حوالے سے نئے انکشاف کردئیے۔تفصیلات کے مطابق پنجاب سمیت پورے پاکستان میں تعدد شعبوں میں ترقی کی مثال تازہ ترین تعداد و شمار سے نظر آرہے ہیں، جہاں پنجاب میں عثمان بزدار نے تعلیم اور صحت کیلئے متعدد اصلاحات متعارف کروائی ہیں وہاں وفاقی حکومت کی کارکردگی بھی قابل ستائش ہے، 12 ماہ کے دوران پی ٹی آئی کی حکومت میں بینکنگ کے شعبے میں 147 بلین منافع ہوا سیمنٹ کے شعبے میں 31 بلین منافع ہوا ، آٹو انڈسیٹری کے شعبے میں 121 بلین منافع اضافہ ہوا ، آئل اور گیس کے شعبے میں 221 بلین منافع ہوا، کھاد کے شعبے میں 68 بلین منافع ہوا جبکہ توانائی کے شعبے میں 27.5 منافع اضافہ ہوا، واضح رہے کہ اپوزیشن کی جانب سے دعویٰ کیا جا رہا تھا کہ موجودہ حکومت کی کارکردگی بلکل صفر ہے اور عمران خان کی حکومت نے ملکی معیشت کو تباہ کردیا ہے دوسری جانب ایک خبر کے مطابق وزیراعلیٰ پنجاب سردارعثمان بزدارکا چکوال میں دھارابی جھیل کا اچانک دورہ کیا، وزیراعلیٰ نے اسلام آباد سے لاہور واپس آتے ہوئے پائلٹ کو ہیلی کاپٹرکا رخ دھارابی جھیل کی جانب موڑنے کی ہدایت کی ، دورے کے دوران پراجیکٹ ڈائریکٹر نے دھارابی ڈیم کے بارے میں وزیراعلیٰ کو بریفنگ دی۔ اس موقع پر وزیر اعلیٰ پنجاب عثمان بزدار کی جانب سے ہدایات کی گئیں کہ چکوال میں دھارابی جھیل کو سیاحتی مقام کے طورپر ڈویلپ کیا جائے گا،دھارابی جھیل کے قریب ریسٹ ہاؤس بنایا جائے گا اوررابطہ سڑکیں بھی بنائیں گے،میں نے گزشتہ روز دھارابی جھیل میں ریزارٹ کے قیام اور رابطہ سڑکوں کی تعمیر کے منصوبے کا سنگ بنیاد رکھا ہے۔