جنوبی پنجاب

ڈیرہ غازیخان(صبح پا کستان).ڈسٹرکٹ ا ینڈ سیشن جج ڈیرہ غازیخان چودھری منیراحمدنے کہا ہے کہ لاوارث قیدیوں کے مقدمات کی پیروی کیلئے ان کی کیس اسٹیٹ کونسل کو بھجوائے جائیں . نو عمر قیدیوں کی تعلیم و تربیت کے ساتھ کردارسازی پر خصوصی توجہ دی جائے . انہوں نے یہ بات آج سنٹرل جیل کے معائنہ کے موقع پر جیل انتظامیہ سے کہی. اس موقع پر مجسٹریٹ دفعہ 30فراز ارشد،سپرنٹنڈنٹ جیل جام محمد آصف، ڈسٹرکٹ پبلک پراسیکیوٹر عبدالغفار ، ڈپٹی سپرنٹنڈنٹ اسد طارق ، محمد علی اور ڈاکٹر محمد ایوب ہمراہ تھے . ڈسٹرکٹ اینڈ سیشن جج نے جیل میں اسیران کے کچن ، سٹور کا معائنہ کیا اور وہاں قیدیوں کیلئے تیار کردہ کھانا اور روٹی کے وزن و معیار کو چیک کیا . انہوں نے جیل ہسپتال میں زیر علاج قیدیوں کی خیریت معلوم کی اور وہاں موجود سہولتوں و ادویات کے ریکارڈ اور صفائی کے معیار کو چیک کیا. ڈسٹرکٹ اینڈ سیشن جج نے جیل میں سرسری سماعت کے بعد معمولی جرائم میں ملوث ضلع ڈیرہ غازیخان سے تعلق رکھنے والے چار قیدیوں امجد ، فرحت علی ، محمدعارف او رمحمد عامر کو 30,30ہزار روپے کے ذاتی مچلکوں پر رہا کرنے جبکہ ایک خاتون قیدی نصرت بی بی کی ضمانت کی درخواست متعلقہ عدالت کو بھجوانے کے احکامات جاری کیے .