First Page

لیہ(صبح پا کستان ) سولہ گھنٹے کی طویل لوڈ شیدنگ، لدھانہ کے شہریوں کا صبر کا پیمانہ لبریز، وائس چیئر مین کی قیادت میں تحریک انصاف ، انجمن تاجران، شہریوں کا احتجاج، لیہ پیرجگی روڈ بلاک کر دیا۔ ماہ رمضان میں جاری بجلی کی طویل لوڈشیڈنگ کے خلاف گزشتہ روز لدھانہ کے شہریوں نے تحریک انصاف کے وائس چیئر مین مہر ظفر اقبال ہموانہ کی قیادت میں احتجاج کرتے ہوئے مین شہر کو بند کر دیا جس سے لیہ پیر جگی سڑک مکمل طور پر بلاک ہو کر رہ گئی ۔بجلی کی لوڈ شیڈنگ کے خلاف شہریوں نے احتجاج کرتے ہوئے سڑک پر ٹائر جلائے اور واپڈا اور حکومت کے خلاف شدید نعرے بازی کی۔ لوڈ شیڈنگ کے خلاف احتجاجی مظاہر ہ سے خطاب کرتے ہوئے رہنماتحریک انصاف مہر شاہد اقبال میلوانہ نے کہاکہ چھ ماہ میں لوڈ شیڈنگ ختم کرنے کے دعوے دار پنکھا باز شہباز شریف کو ماہ رمضان میں شہریوں پر ظلم کیوں نظر نہیں آتا ۔ انہوں نے کہا کہ لدھانہ میں سولہ گھنٹے کی طویل لوڈشیڈنگ سے شہریوں کا برا حال ہو چکاہے۔ احتجا ج سے خطاب کرتے ہوئے چیئرمین یوسی لدھانہ ثناء اللہ نے کہاکہ اگر تین یو م کے اندر غیر اعلانیہ لوڈ شیڈنگ بند نہ کی گئی تو لیہ چوک اعظم روڈ ہیرا کے مقام پر بند کر کے احتجاج کرتے ہوئے ایکسئین کے دفتر کا گھیراؤ کرینگے۔ احتجاجی مظاہرہ میں شہریوں کی بڑی تعداد نے شرکت کی۔