لیہ(صبح پا کستان)ڈپٹی کمشنر واجد علی شاہ نے کہا کہ قائد اعظم محمد علی جناح کے فرمان کے مطابق پاکستان میں مذہبی آزادی ،قانون کی حکمرانی اور تمام شہریوں کے لیے بلارنگ ونسل ،مذہب ،فرقوں کا امتیاز کیے بغیر برابری کی بنیاد پر یکساں حقوق میسر ہیں جس کے لیے متحد ہوکر بلاکم وکاست تجدید عہدکرتے ہوئے آزادی ایسی نعمت کا بھر پور استفادہ تمام اقلیتوں کو ساتھ چلاتے ہوئے حاصل کررہے ہیں ۔یہ بات انہوں نے ضلع کونسل ہال میں اقلیتوں کے قومی دن کے موقع پر جشن آزادی کے حوالے سے منعقدہ تقریب میں اپنے صدارتی خطاب میں کہی ۔تقریب میں چیئرمین ضلع کونسل ملک عمر علی اولکھ ،وائس چیئرمین نور محبوب میلوانہ،سی او خالداقبال،ڈی ایس پی ارشاد حسین ،اقلیتی نمائندوں منورگل،جاوید آصف،بختورام،پاسٹر حمیدضیاء بھٹی،پاسٹرزکریاگل،پاسٹرنقاش،اعجازبہادرگِل،اصغرغوری،ایمانل کھوکھر،طارق سہوترا،ناظم گل،عامر سہوترا،محبوب بھٹی کے علاوہ ذرائع ابلاغ کے نمائندے و اقلیتی برادری کی کثیرتعداد موجو دتھی۔تقریب سے خطاب کرتے ہوئے ڈی سی واجد علی شا ہ نے کہا کہ اقلیتوں نے پاکستان کی ترقی کے لیے بہت قربانیاں دی ہیں اور اس سلسلہ میں اقلیتی برادری تمام ریاستی اداروں کی مضبوطی کے لیے شابہ بشانہ کھڑے ہیں جو ان کی حب الوطنی کا مثالی نمونہ ہیں ۔تقریب سے خطاب کرتے ہوئے چیئرمین ضلع کونسل ملک عمر علی اولکھ نے کہا کہ ہمیں بحثیت ایک قوم اس عزم کا اعادہ کرنا ہوگا کہ ہم پاکستان کو قائد اعظم کی سوچ و نظریے والا پاکستان بنانے کے لیے متحدہو کر اپنا کردار موثر طور پرادا کریں۔انہوں نے مزید کہا کہ ضلع لیہ کی تعمیر وترقی کے لیے یکساں بنیادوں پر فنڈز خرچ کیے جارہے ہیں اور اقلیتی برادری کی تجاویز کو اہمیت د ی جائے گی۔تقریب سے خطا ب کرتے ہوئے وائس چیئرمین مہر نور محبوب میلوانہ نے کہا کہ تمام شہریوں کے لیے صحت ،تعلیم وترقی کے مساوی مواقع فراہم کرنے کا عزم ہی تقریبات آزادی منانے کا حقیقی مقصد ہے۔تقریب سے خطاب کرتے ہوئے ممبر ضلع کونسل ڈاکٹر شہزاد گل نے کہا کہ اقلیتی برادری نے ملکی قوم وترقی ،استحکام کے لیے ہمیشہ اپنا بھر پوروموثر کردار ادا کیا ہے اور اقلیتی برادری کا جشن آزادی کی تقریب میں کثیر تعداد میں شرکت جذبہ حب الوطنی کا عملی ثمر ہے۔انہوں نے مختلف چکوک میں سوریج نظام کی بہتری ،واٹرپیورفیکیشن پلانٹ لگانے اور اقلیتی ممبران کے لیے فنڈز میں اضافے کی تجاویز بھی دیں۔تقریب سے سکندرڈوگر، بھیا رام ،پاسٹر حمید ضیاء بھٹی نے بھی خطاب کیا ۔بعدازاں ڈپٹی کمشنر واجد علی شاہ، چیئرمین ضلع کونسل ملک عمر علی اولکھ ،وائس چیئرمین نور محبوب میلوانہ،ممبران ضلع کونسل ڈاکٹر شہزاد گل، سید فضل حسین شاہ نے جشن آزاد ی کے حوالے سے کیک کاٹااور ملکی استحکام،سلامتی و ترقی کے لیے دعا کی گئی۔