راجن پور( صبح پا کستان )کمشنر ڈیرہ غازی خان اسد اللہ فیض نے کہا ہے کہ ضلع راجن پور کی تعمیر و ترقی کے لئے وسائل کا بھر پور استعمال کیا جائے گا ۔ اس ضمن میں کوئی بھی کسر اٹھا نہیں رکھی جائے گی ۔ ضلع راجن پور کے ساتھ جڑے گئے لفظ ’’ پسماندہ ضلع‘‘ اب صرف کہنے کی حد تک ہے ۔ راجن پور ضلع کی تعمیر و ترقی سے جہاں انفراسٹرکچر میں بہتری آئے گی وہیں یہاں رہنے والوں کا معیار زندگی بلند ہو گا ۔ راجن پور ضلع کے جاری ترقیاتی منصوبے فوری طور پر مکمل کر کے رپورٹ پیش کی جائے ۔ جبکہ مفاد عامہ کے نئے منصوبے جلد از جلد تیار کر کے فزبیلیٹی رپورٹ بھجوائی جائے ۔ یہ باتیں انہوں نے ریجنل پولیس آفیسر عمران احمر کے ہمراہ ضلع راجن پور کے دو روزہ دورہ کے پہلے دن مختلف مراکز صحت ،اراضی ریکارڈ سنٹر ،سیلاب سے بچاءو کے حفاظتی بندوں اور ایک اجلاس کی صدارت کے دوران کہیں ۔ دورہ کے دوران انہوں نے راجن پور ڈسٹرکٹ ہیڈ کوارٹر اسپتال، جام پور تحصیل ہیڈ کوارٹر اسپتال اور دیہی مرکز صحت فاضل پورکا دورہ کیا ۔ انہوں نے وہاں پر مریضوں کی عیادت کی، محکمہ صحت کے افسران سے فراہم کردہ طبی سہولیات بارے بریفنگ لی اور انہیں مختلف بیماریوں میں مبتلا لوگوں کی دیکھ بھال کرنے اور مفت طبی سہولیات فراہم کرنے کی ہدایات دیں ۔ کمشنر نے ادویات اور ویکسین کے اسٹاک کا بھی معائنہ کیا ۔ مختلف مراکز صحت کے دورہ کے دوران انہوں نے سی ای او صحت کو ہدایت کی کہ اسپتال میں مفت اور معیاری طبی سہولیات کی فراہمی کے ساتھ صفائی کے مثالی اقدامات کئے جائیں اور مریضوں کے ساتھ آنے والے لوگوں کے لئے سایہ اور پینے کا صاف ٹھنڈے پانی کا وافر انتظام کیا جائے اورضلعی صدر اسپتال راجن پور میں موجود پارکنگ اسٹینڈ کو کسی مناسب جگہ پر شفٹ کر دیا جائے ۔ انہوں نے جام پور میں آ ر پی او عمران احمر کے ہمراہ پولیس خدمت سنٹر کا بھی افتتاح کیا جس سے سائلین کو مختلف دفاتر کے دھکے نہیں کھانا پڑیں گے بلکہ مختلف سہولیات ایک ہی چھت تلے میسر ہو گی ۔ اراضی ریکارڈ سنٹر جام پور کے دورے کے دوران مفت ہیلپ لائن کے لئے لگایا گیا ٹیلی فون سیٹ غیر فعال ہونے اور موقع پر موجود سائلین کی جانب سے شکایات موصول ہونے پر انچارج اراضی ریکارڈ سنٹر کو معطل کر دیا ۔ انہوں نے قطب ڈرین ;8268;-145اور کوٹ مٹھن میں فخر فلڈ بند اور راءٹ مارجنل بند کے معائنہ کے دوران ایکیسن رود کوہی کو ہدایت کی کہ ممکنہ سیلابی ریلوں نے پیش نظر علاقہ پچادھ کے لوگوں کو پانی کے تیز بہاءو سے محفوظ رکھنے کے لئے موثر اقدامات کئے جائیں ۔ اسی طرح پر مرمتی کے کام کو ہنگامی بنیادوں پر پورا کر کے فوری رپورٹ پیش کی جائے ۔ انہوں نے سیلاب سے بچاءو کے تسلی بخش اور موثر انتظامات کرنے پر ضلعی انتظامیہ کی کاکردگی کو سراہا ۔ اور ضلع بھر میں افسران کی تعیناتی اور اسٹاف کی خالی اسامیوں پر بھرتی بارے بھی بھرپورتعاون کی یقین دہانی کرائی ۔