پسماندہ علاقوں میں معمولی ترقیاتی کام بھی مایوس عوام کے چہرے پر مسکراہٹ کا باعث بنتے ہیں اور اگر ترقی کا دھارا ہی پسماندہ علاقوں کی طرف موڑ دیاجائے تووہاں کی عوام کی خوشی کا اندازہ آپ لگاسکتے ہیں ۔جنوبی پنجاب اگرچہ پاکستان کے وسط میں واقع ہے اور ایک ایسے صوبے کا حصہ جسے پاکستان میں ترقی یافتہ اور بڑابھائی کا نام دیاجاتا ہے لیکن گزشتہ 7دہائیوں سے اس علاقہ کی ترقی ،عوام کی فلاح و بہبود پر کوئی توجہ نہ دی گئی جس وجہ سے یہاں کی عوام کا احساس محرومی بڑھتا گیااور یہ بات علیحدہ صوبہ پر آکر منتج ہوئی ۔یہی وجہ ہے کہ وزیراعظم پاکستان عمران خان نے الیکشن مہم میں جنوبی پنجاب کو صوبہ بنانے کا وعدہ کیااور اس کو حقیقت کا روپ دینے کے لئے اور یہاں کے عوام کے بنیادی مسائل سے بخوبی واقف شخص سردار عثمان بزدار کو صوبہ پنجاب کا وزیراعلی منتخب کیا۔ یہ اس علاقہ کی خوش قسمتی ہے کہ وزیراعلی پنجاب سردارعثمان خان بزداراُن کاوسیبی ہے اور اس علاقہ کی محرومیوں کے ازالہ کے لئے خاموشی مگرانتہائی سرعت سے کام کررہے ہیں ۔وزیراعلی عثمان بزدار نے پسماندہ علاقوں میں کالجز ،یونیورسٹیوں ،سکولوں اور اسپتالوں کے نئے منصوبوں سمیت پرانے منصبوں کوبھی اپ گریڈکیااور ان کے لئے فنڈز بھی فراہم کررہے ہیںاورایک کامیاب سیاستدان کی یہی نشانی ہے کہ وہ گزشتہ ادوار کے عوامی منصوبوں کو بھی مکمل کریں کیونکہ ان پرپیسہ عوام سے حاصل کیے گئے ٹیکس کا خرچ ہوتا ہے۔وزیراعلی پنجاب کو اس بات کا بھی ادراک ہے کہ پنجاب خصوصاً جنوبی پنجاب ایک زرعی خطہ ہے اور یہاں کے زیادہ ترلوگ کاشتکاری سے جڑے ہیں ۔وزیراعلی عثمان خان بزدار نے اس ضمن میں گراں قدر اقدامات اُٹھائے ہیں اورکاشتکاروں اور کسانوں کو منڈیوں تک رسائی کے لئے سڑکوں کی تعمیرومرمت میں خصوصی دلچسپی رکھتے ہیں ۔اس سلسلہ مےںضلع لیہ میں سڑکوں کے 10منصوبوں کے لئے ٹینڈرز بھی کھول دیے گئے ہیں ۔110کلومیٹرسے زائدطویل سڑکوں پرمجموعی طورپرایک ارب 49کروڑ 52لاکھ روپے سے زائدلاگت آئے گی جن مےں لیہ کروڑ روڈ ،اڈا رفیق آباد ،ٹرکوتاچوبارہ،ہیڈویریڑی تا بنگلہ یاسمین ،ہیڈمحبوب تاجمن شاہ لدھانہ،ایرانی چوک تاککڑوالابند،جمن شاہ تالدھانہ،ٹیل انڈس تا 275ٹی ڈی اے ،سیال موڑ رتاپل ہیرامائنر،لالہ زار تاچک 153ٹی ڈی اے،یوسی جمال چھپری تابستی شہرت،بستی ڈھل ،بستی لوہلووالایوسی اولکھ تھل کلاں ،سجاد چوک تا چک 263،بستی سبانی ،110ٹی ڈی اے ،104ٹی ڈی اے ،265ٹی ڈی اے ،258ٹی ڈی اے ،261ٹی ڈی اے ،ٹیل انڈس روڈ ،کروڑ تادین پورمرہان والی ،اڈاچک 94ٹی ڈی اے تا80ٹی ڈی اے براستہ چک 82ٹی ڈی اے ،چک 83ٹی ڈی اے کی سڑکوں کی تعمیرومرمت اور کشادگی شامل ہیں جن کی تکمیل سے تقریباًضلع کے سبھی چکوک کے کاشتکار ،کسان ،عام عوام اور طلبہ کوبہترین سفری سہولیات میسرآئیں گی۔علاوہ ازیں وزیراعلی پنجاب سردار عثمان خان بزدار کی گڈگورننس کے نتیجہ میں گزشتہ 3سال سے کاشتکاروں کو زرعی اجناس کے مناسب نرخ مل رہے ہیں اور بروقت مل رہے ہیں ۔کسان بھائیوں کااستحصال کرنے والے افراد کے خلاف گھیرا تنگ کیاگیا ہے اور ناجائز کٹوتیوں کا تدارک کیاگیا ہے جس کے سبب کسان خوشحال نظر آتے ہیں ۔ وزیراعلی پنجاب نے کاشتکاربھائیوں کومزیدسہولیات فراہم کرنے کے لئے محکمہ زراعت کوجدیدخطوط پراستوار کرنے کے لئے کسان کارڈ کے اجراءکے عمل میں تیزی لانے کی بھی ہدایت کی ہے وزیراعلی پنجاب عثمان خان بزدار کی جانب سے زراعت کی بحالی کے لئے 3ارب روپے کا پیکچ دیاگیا ہے جس سے تاریخی منصوبوں پر عمل درآمد جاری ہے۔اس پیکج کے تحت پنجاب میں کاشتکاروں کو لیزرلینڈلیولرزکے حصول پر 2لاکھ 50ہزار روپے سبسڈی دی جارہی ہے ۔اس سلسلہ میں کاشتکاروں سے 25اگست تک درخواستیں بھی طلب کرلی گئی ہیں دوسری طرف کاشتکاروں کوتیل دار اجناس کی فی ایکڑکاشت پر5ہزار روپے سبسڈی بھی دی جارہی ہے ۔وزیراعلی عثمان بزدار کاشتکاروں اور کسانوں کو ملک کی ترقی کے دھارے میں شامل کرنے کے لئے بھرپور اقدامات کررہے ہیں ۔اگرچہ زراعت کے شعبہ میں ابھی بھی انقلابی تبدیلیوں کی گنجائش ہے جس پر خاطرخواہ توجہ دی جائے گی اور وہ دن دور نہیں جب پاکستان اور خصوصاًجنوبی پنجاب کی زرعی اجناس کو برآمدکرکے وسیع زرمبادلہ کمایاجائےگا