Tag: layyah newss

لیہ،کروڑ لعل عیسن( صبح پا کستان ) ضلعی انتظامیہ اور سول سوسائٹی کی جانب سے پاک فوج سے اظہارِ یکجہتی کے لئے ختم نبوت چوک سے کشمیر چوک تک گرینڈ یکجہتی ریلی نکالی گئی۔ ایم پی اے سمعیہ عطاء شہانی، ایڈیشنل ڈپٹی کمشنر جنرل شبیر احمد ڈوگر نے ریلی کی قیادت کی۔ ریلی میں اسسٹنٹ کمشنر کوارڈی نیشن کلیم اللہ خان، ایس ڈی ای او پیرا ام حبیبہ، سی ای او میونسپل کمیٹی شبانہ رشید، صدر انجمن تاجران اظہر ہانس، صدر پریس کلب محسن عدیل، چیئرمین تاجران تنویر احمد خان، جنرل سیکرٹری پریس کلب خالد محمود شوق، سیاسی سماجی شخصیات، افسران، ورکرز، اہلکاروں، میڈیا نمائندگان اور شہریوں کی بڑی تعداد نے شرکت کی۔ شرکاء نے پاک فوج کے حق میں بھرپور نعرے بازی کی اور قومی یکجہتی کا اظہار کیا۔ شرکاء نے پاکستان کی سالمیت اور دفاع کیلئے خدمات انجام دینے والے پاک فوج کے ہیروز کو خراجِ تحسین پیش کیا۔ ریلی کشمیر چوک پر اختتام پذیر ہوئی۔ ایم پی اے سمعیہ عطاء شہانی نے اس موقع پر گفتگو کرتے ہوئے کہا کہ پوری قوم پاک فوج کے ساتھ کھڑی ہے اور ملکی دفاع کیلئے ہر قربانی دینے کو تیار ہے۔ وطن عزیز کی سلامتی اور استحکام کیلئے قومی اداروں کے ساتھ مکمل یکجہتی کرتے ہیں۔ پاک فوج نے ہمیشہ ملک کے دفاع، سلامتی اور استحکام کے لئے بے مثال قربانیاں دی ہیں۔ انہوں نے کہا کہ دہشت گردی کے خلاف جنگ ہو یا قدرتی آفات، ہماری افواج نے ہر مشکل وقت میں قوم کا ساتھ دیا ہے۔ ایڈیشنل ڈپٹی کمشنر جنرل شبیر احمد ڈوگر نے کہا کہ ہم اپنے شہداء اور غازیوں کو سلام پیش کرتے ہیں۔ اس عزم کا اظہار کرتے ہیں کہ پوری پاکستانی قوم اپنی بہادر افواج کے ساتھ کھڑی ہے۔ صدر انجمن تاجران اظہر ہانس نے کہا کہ پاکستان کی سلامتی، استحکام اور ترقی کے لئے مضبوط فوج ضروری ہے۔ صدر پریس کلب محسن عدیل چوہدری نے کہا کہ پاکستان خطہ میں پائیدار امن کا ضامن ہے اور پاک فوج وطن کے دفاع اور سلامتی کے لئے مصروف عمل ہے۔ بعد ازاں ملک کی سلامتی کے لئے دعا کی گئی۔ اسی طرح ضلع کی دیگر تحصیلوں چوبارہ اور کروڑ لعل عیسن میں بھی پاک فوج سے اظہار یکجتی کے لئے ریلیوں کا انعقاد کیا گیا۔ *کروڑ لعل عیسن: پاک فوج سے اظہارِ یکجہتی کیلئے ریلی نکالی گئی* کروڑ لعل عیسن تحصیل انتظامیہ اور تحصیل پریس کلب کروڑ کے صحافیوں کی جانب سے پاک فوج سے اظہارِ یکجہتی کے لیے ایک مشترکہ ریلی نکالی گئی۔ ریلی کی قیادت اسسٹنٹ کمشنر کروڑ *اصغر علی چیمہ* اور صدر تحصیل پریس کلب کروڑ *محمد آصف خان* نے کی۔ریلی کمیٹی چوک سے شروع ہوئی اور مختلف شاہراہوں سے ہوتی ہوئی *تکبیر چوک* پر اختتام پذیر ہوئی۔ شرکاء نے اس موقع پر پاک فوج کے حق میں نعرے لگائے اور ملک کی سلامتی، استحکام اور دفاع کیلئے پاک فوج کی قربانیوں کو خراجِ تحسین پیش کیا۔ریلی میں سی او میونسپل کمیٹی کروڑ *عمار الطاف گرمانی، تحصیل منیجر ستھرا پنجاب **سکندر ابراہیم، جنرل سیکرٹری تحصیل پریس کلب **امیر عبداللہ اعوان* سمیت صحافیوں *ظہور احمد بزدار، ملک نوید احمد چنڈی، ریاض حسین نظامی، عبدالغفار صدیقی، وسیم کانجو، ساجد رشید، محمد عمران خان لاشاری، مرتضیٰ نہرہ، منیر احمد، عمران موسی خیلوی* اور دیگر نے شرکت کی۔اس موقع پر سول سوسائٹی، ستھرا پنجاب ٹیم اور شہریوں کی بڑی تعداد بھی موجود تھی۔ مقررین کا کہنا تھا کہ پوری قوم پاک فوج کے شانہ بشانہ کھڑی ہے اور ملک کے دفاع کے لیے پاک فوج کی قربانیاں ناقابلِ فراموش ہیں۔ انہوں نے کہا کہ پاک فوج ملک کی سلامتی اور خودمختاری کی ضامن ہے اور پوری قوم اپنی بہادر افواج کے ساتھ یکجہتی کا اظہار کرتی ہے