Tag: layyah news

لیہ(صبح پا کستان)ڈسٹرکٹ پریس کلب کے سامنے پیپلز پارٹی کے زیر اہتمام پیٹرولیم مصنوعات کی قیمتوں میں اضافہ پر احتجاجی مظاہرہ کیا گیا احتجاجی مظاہرہ سے خطاب کرتے ہوئے ڈویژنل جنرل سیکرٹری فرید خان میرانی نے کہا احتساب کے نام پر کو چیئرمین پیپلز پارٹی آصف علی زرداری نے 11 سال جیل کاٹی،جیل پیپلز پارٹی کارکنان کا دوسرا گھر ہے،نواز شریف آمروں کی پیداوار ہیں وہ کن نظریات کی بات کرتے ہیں ماضی میں اسامہ بن لادن سے پیسے لیکر محترمہ بینظیر بھٹو کی حکومت گرائی گئی بے روزگاری، مہنگائی، تعلیم ،صحت جیسے مسائل نے عوام کو ذہنی طور پر نفسیاتی مریض بنا دیا ہے ،عوام کے مسائل کے حل کے لئے پاکستان پیپلزپارٹی اپنا کردار ادا کرنے کیلئے میدان عمل میں آگئی ہے عالمی سطح پر پیٹرولیم مصنوعات کی قیمتیں کم ہونے کے باوجود موجودہ حکومت نے عوام کو ریلیف دینے کی بجائے پیٹرولیم مصنوعات کی قیمتوں میں اضافہ کر کے عوام پر پیٹرول بم گرایا موجودہ مسلم لیگی حکومت کی ناکام پالیسیوں نے عوام کی زندگی اجیرن بنا دی ہے، پیٹرولیم مصنوعات کی مصنوعی مہنگائی موجودہ حکمرانوں کی نااہلی کا شاخسانہ ہے پیٹرولیم مصنوعات کی قیمتوں میں کیا گیا ظالمانہ اضافہ فوری واپس لیا جائے ،مہنگائی اورلوڈ شیڈنگ کے خاتمے کیلئے مینار پاکستان پر خیموں میں دفتر لگانے والے مسلم لیگی وزیر اعلیٰ پنجاب آج کہاں گم ہو گئے وزیر اعلیٰ پنجاب اپنی ڈرامہ بازی اب کیوں نہیں دیکھاتے حکومتی دعوے عوام کیلئے چار سالوں میں سوائے اذیت کے کچھ نہیں لائے یہی وجہ ہے کہ عوام تخت لاہور والوں سے بدظن نظر آتی ہے حالیہ پیٹرولیم مصنوعات کی قیمتوں میں اضافہ غریب عوام کیلئے نئے عذابوں کو جنم دے رہا ہے اور عوام کیلئے اس مہنگائی میں اپنی بنیادی ضروریات کو پورا کرنا بھی مشکل نظر آ رہا ہے بلند و بانگ دعوے کرنے والوں نے عوام کو مایوس کیا پیٹرولیم مصنوعات کی قمیتوں میں حالیہ اضافے کے خلاف چیئر مین پاکستان پیپلز پارٹی بلاول بھٹو زرداری کی ہدایت پر تمام اضلاع میں حکومت کے خلاف اس حالیہ اقدام پر احتجاج کی کال بھی تھی احتجاجی مظاہرین سے خطاب کرتے ہوئیضلعی صدر محمد رمضان بھلر نے کہا کہ حکومت پیٹرولیم مصنوعات کی قیمتوں میں اضافہ واپس لے اور غریب سے اس کے جینے کا حق نہ چھینے عوام کش پالیسوں کی بجائے حکومت اپنے اخراجات اور عیاشیوں کو کنٹرول کرے اگر حکومت نے پیٹرولیم مصنوعات کی حالیہ قیمتوں میں اضافہ واپس نہ لیا تو احتجاج کا دائرہ واسیع کر دیں گے احتجاجی مظاہرین سے ضلع صدر رمضان بھلر،ضلع ڈپٹی جنرل سکرٹری شیخ بدر منیر،سٹی صدر شیخ خرم طارق،ضلع انفارمیشن سیکرٹری احسان اللہ قاضی،سینئر کارکن عبدالرحمن مانی،ملک عاشق کھوکھرنے خطاب کیا احتجاج میں کارکنان کی کثیر تعداد موجو د تھے۔