Local News

لیہ(صبح پا کستان) یونین کونسل شادو خان کے چیئرمین ، وائس چیئر مین مسلم لیگ ن میں شامل، بڑے جلسے کا انعقاد، صوبائی وزیر مہر اعجاز اچلانہ، ایم این اے ثقلین شاہ بخاری پر اعتماد کا اظہار ۔ چیئر مین یونین کونسل شادو خان رفیق خان دورانی،وائس چیئرمین ساجد علی بخاری مسلم لیگ ن میں شامل ہو گئے۔ شمولیت کے موقع پر بڑے جلسے کا انعقاد کیا گیا۔ جلسے سے خطاب کرتے ہوئے صوبائی وزیر مہر اعجاز اچلانہ نے کہاکہ مسلم لیگ ن نے 2013میں عوام سے کئے گئے وعدے پورے کر دیئے ہیں، ملک سے اندھیروں کا خاتمہ، دہشتگردوں کا قلع قمع کرنے کے ساتھ ساتھ ملک سے تمام مسائل جڑ سے اکھاڑ پھینکے گئے ہیں،انہوں نے کہاکہ آ ج بھی پاکستان کی عوام میاں نواز شریف، شہباز شریف اور مسلم لیگ ن پر اعتماد کرتے ہیں۔ جلسے سے خطاب کرتے ہوئے ممبرقومی اسمبلی سید ثقلین شاہ بخاری نے کہاکہ مسلم لیگ ن میں جو ق در جوق لوگوں کی شمولیت اس بات کی گواہ ہے کہ مسلم لیگ ن ترقی کی ضامن جماعت ہے جس سے لوگ محبت کر تے ہیں۔ تقریب سے خطاب کرتے ہوئے چیئر مین یوسی شادو خان رفیق خان دورانی نے کہاکہ مسلم لیگ ن کی ملک کے لئے کاوشوں کو دیکھ کر شامل ہوئے ہیں۔ جلسہ سے وائس چیئر مین ساجد علی بخاری، چیئر مین یونین کونسل کوٹلہ حاجی شاہ ملک نصیر بھٹہ، وائس چیئر مین سردار سبطین خان گشکوری، کونسلرریاض لیڈر سمیت دیگر نے بھی خطاب کیا