چوک اعظم ۔شہر میں لوڈ شیڈنگ ،زندگی مفلوج ہو کر رہ گئی ،میونسپل چیئرمین کا ایکشن ،ایم این اے سے رابطہ،اجلاس بلانے پر غور

چوک اعظم( صابر عطاء سے ) شہر میں لوڈ شیڈنگ ،میونسپل چیئرمین کا ایکشن ،ایم این اے سے رابطہ،اجلاس بلانے پر غور ۔شہری اذیت میں ہیں ۔دورانیہ کم کیا جائے ۔چیئرمین ۔تفصیل کے مطابق شہر میں ہونے والی حالیہ لوڈ شیڈنگ پر میونسپل کمیٹی کے ممبران نے عوامی تحفظات پر چیئرمین میونسپل کمیٹی ملک ریاض گرواں اور وائس چیئرمین لالہ اسلم گجر سے صورت حال پر رابطہ کیا جس پر چیئرمین اور وائس چیئر مین نے ایم این اے سید ثقلین شاہ بخاری سے رابطہ کیااور لوڈ شیڈنگ کی موجودہ صورت حال سے آگاہ کیا ۔
چیئرمین ملک ریاض گرواں ،وائس چیئرمین لالہ اسلم گجر ،جنرل کونسلر چوہدری خلیل احمد ،مہر عارف سندھڑ اور یوتھ کونسلر ملک ارسلان تھہیم نے اپنے آفس میں میڈیا سے گفتگو کرتے ہوئے کہا کہ لوڈ شیڈنگ کا حالیہ دورانیہ شہریوں کیلیے دردِ سر بنا ہوا ہے ۔کاروباری زندگی مفلوج ہو کر رہ گئی ہے ۔انہوں نے بتایا کہ ہر ماہ صفائی کے حوالے سے ہونے والی لوڈ شیڈنگ ناقابلِ قبول ہے اور اس سلسلے میں ہم اجلاس بلارہے ہیں ۔اور اس مسئلے پر عوامی موقف اپنائیں گے ۔