لیہ ۔عیدالضحی ، لیہ سٹی 4سیکٹر میں تقسیم , عملہ صفائی کی چھٹیاں منسوخ ،صفائی کے نظام کو کنٹرول کرنے اور شہر میں30مقامات پر نماز عید کی ادائیگی کے لیے کنٹرول روم بھی قائم

لیہ(صبح پا کستان) چیئر مین ایم سی لیہ حافظ محمد جمیل نے عیدالضحی کے موقع پر قربانی کے جانوروں کا فضلا ،اوجڑی ،انتڑیاں اور دیگر ویسٹ اٹھانے کے لیے لیہ سٹی کو 4سیکٹر میں تقسیم کرکے عملہ صفائی کی چھٹیاں منسوخ کرتے ہوئے سی او اللہ نواز گشکوری او رمعاون ملک غلام رسول پر مشتمل خصوصی ٹیم تشکیل دی ہے تاکہ شہریوں کو عیدالضحی کے موقع پر صاف ستھرا ماحول فراہم کیا جاسکے۔تفصیل کے مطابق سیکٹرنمبر1 میں وارڈ نمبر ایک تا سات کی صفائی کے لیے معاون انچارج راناشرافت علی ،سیکٹر نمبر2 میں وارڈ نمبر 8،17تا20سینٹری انسپکٹر عبدالرحمان کی زیر نگرانی ،سیکٹر نمبر 3میں وارڈ نمبر نو تا دس اور 14تا 16اسسٹنٹ مسرور حسین کی زیر نگرانی جبکہ سیکٹر نمبر 4میں وارڈ نمبر 11تا13سینٹری انسپکٹر چوہدری محمد یوسف کی زیر نگرانی کام کرے گا۔صفائی کے نظام کو کنٹرول کرنے اور لیہ سٹی میں30مقامات پر نماز عید کی ادائیگی کے لیے کنٹرول روم بھی 24گھنٹے کام کرے گا جس کا نمبر 0606412839اور 4130087فعال رہے گا۔