ڈیرہ غازیخان(صبح پا کستان):وزیر اعلی پنجاب سردار عثمان بزداراچانک ڈیرہ غازی خان پہنچ گئے انہوں نے ڈیرہ غازی خان شہر کا دورہ کرتے ہوئے صفائی کے انتظامات اور ترقیاتی سکیموں کا جائزہ لیا-وزیراعلی عثمان بزدار سے ان کے ڈیرہ پر عمائدین اور شہریوں نے ملاقات کی.وزیر اعلی عثمان بزدار خود لوگوں کے پاس گئے اور ان سے مصافحہ کیا، شہریوں کے مسائل سنے اور ان کی درخواستوں پر ہدایات جاری کیں -وزیر اعلی عثمان بزدارنے سرائیکی اوربلوچی زبان میں گفتگوکی او رشہریوں سے حال احوال دریافت کیا-وزیر اعلی عثمان بزدار نے سماجی کارکن حفیظ خان بزدار کے انتقال پران کے بھائی ممتاز بزدار اور ورثاء سے اظہار تعزیت کیا اور مرحوم کے ایصال ثواب کے لئے فاتحہ خوانی کی. وزیر اعلی عثمان بزدار نے خواتین کے مسائل بھی سنے اور ان کے حل کے لئے موقع پر ہی احکامات جاری کئے-وزیر اعلی عثمان بزدارکی میڈیا سے گفتگوکرتے ہوئے کہا کہ پنجاب میں تبدیلی کی افواہیں پھیلانے والے سازشیں کررہے ہیں - پنجاب حکومت کے تمام سٹیک ہولڈرز ایک پیج پر ہیں - اتحادی بھی ہمارے ساتھ ہیں - پنجاب میں فارورڈ بلاک ہے نہ پریشر گروپ -انہوں نے کہا کہ پنجاب میں آٹے کاکوئی بحران نہیں - عوام کی سہولت کے لئے شہروں او رتحصیلوں میں آٹے کے سیل پوائنٹس کی تعداد بڑھائی گئی ہے- جنوبی پنجاب کی ترقی کیلئے 35 فیصد فنڈز مختص کئے گئے ہیں اورجنوبی پنجاب کے فنڈ ز کسی اورعلاقے پر خرچ نہیں ہوسکیں گے. انہو ں نے کہاکہ علاقے کی ترقی اور عوام کے مسائل کے حل کیلئے ملکر کام کررہے ہیں -وزیر اعلی سردار عثمان بزدار کو مقامی صحافی مظہر لاشاری نے اپنی تصنیف پیش کی- قبل ازیں وزیر اعلی بغیر پروٹوکول کے ایک گاڑی پر ڈیرہ غازیخان پہنچے اور خود ڈرائیو کرتے ہوئے واپس روانہ ہوگئے.