Tag: multan cant news

ملتان ( صبح پا کستان )ڈی ایچ اے ملتان میں فوڈکورٹ کا افتتاح ہوگیا۔کمانڈر سدرن کمانڈ ملتان اور چئیر مین پروجیکٹ مینجمنٹ کمیٹی (پی ایم سی) ملتان لیفٹیننٹ جنرل محمد چراغ حیدر)ہلال امتیاز ملٹری) نے فوڈ کورٹ کا افتتاح کیا۔ اس موقع پر انہوں نے کہا کہ ڈی ایچ اے ملتان جنوبی پنجاب کی پہلی جدید، محفوظ اور ماحول دوست سوسائٹی ہے اوریہاں پر پاکستان کاپہلا عالمی گالف کورس رومانزااپنی جدید سہولیات اور دلفریب مناظر کی وجہ سے یقینی طورپر ملتان اور پاکستان میں کھیلوں کے فروغ میں مددگارثابت ہوگا۔ چیئرمین پی ایم سی نے مسلسل متحرک انتظامات پر ڈی ایچ اے انتظامیہ کی کاوشوں کوسراہا۔اس موقع پرا نہوں نے گالف کورسز کے مختلف حصوں کا جائزہ لیا۔ اس موقع پر پروجیکٹ ڈائریکٹر بریگیڈیئر شعیب اختر کیانی (ستارہ امتیاز ملٹری)نے اس بات کااعادہ کیا کہ جنوبی پنجاب کی بہترین رہائشی سوسائٹی ڈی ایچ اے ملتان پر کام تیزی سے جاری ہے اوراسے ضروریات زندگی کی تمام سہولیات سے آراستہ کیاجارہاہے۔انہوں نے کہاکہ ڈی ایچ اے ملتان نے 2021میں عوام کے لیے بہت ساری سہولیات او ر تفریحات کی تکمیل کی ہے۔ڈی ایچ اے فوڈ کورٹ جنوبی پنجاب کے رہائشیوں کو مختلف اقسام کے اعلی کھانوں کے ساتھ ساتھ تفریحی کاخوبصورت مقام مہیا کرے گا۔اس میں ڈانسنگ فاؤنٹین اوربچوں کے لیے جوائے لینڈ بھی بنائے گئے ہیں۔سی پیک منصوبوں کے باعث ملتان کی اہمیت میں مزید اضافہ ہوا ہے۔انہوں نے کہاکہ ڈی ایچ اے ملتان نہ صرف ایک رہائشی منصوبہ ہے بلکہ جلد یہ شہر کے ایک معاشی مرکزکی حیثیت بھی اختیارکرلے گا۔بعدازاں ڈی ایچ اے فوڈ کورٹ میں محفل سماع منعقد کی گئی جس میں نامور گلوکارہ عابدہ پروین اور صنم ماروی نے صوفیانہ کلام پیش کیا