Tag: layyah nesw

چوک اعظم ( صبح پا کستان ) چیئرمین میونسپل کمیٹی ملک ریاض گرواں اور وائس چیئرمین لالہ اسلم گجر نے اپنے ساتھیوں جنرل کونسلرچو ہدری خلیل احمد آرائیں ،جنرل کونسلرعارف سندھڑ ،جنرل کونسلر ملک شہزاد گرواں ،جنرل کونسلر چوہدری عمران الحق ،سابق کونسلر ظفر اقبال اعوان ،سابق یوتھ کونسلر ملک ارسلان تھہیم ،نائب صدر یوتھ ونگ (ن )حاجی تنویر حسین شانی ،احمد حسین تصور ،میاں محمد سلیم اور دیگر کے ہمراہ پریس کانفرنس میں اپوزیشن کونسلرز کی طرف سے لگائے الزامات کی تردیدکرتے ہوئے کہاکہ میں اپوزیشن کو مناظرے کا چیلنج کرتا ہوں کہ وہ یاد گارچوک میں وقت دیں اور وہاں عوامی عدالت میں الزامات ثابت کریں اگر کرپشن کے الزامات ثابت ہوجائیں تو میں سیاست چھوڑ دوں گا اوور جو عوام سزا تجویز کرے گی میں وہ بھگتوں گا ۔انہوں نے کہاکہ اپوزیشن کے کونسلرز شہر کی ترقی کی سیاست کی بجائے اپنے قائد بشارت رندھاوا کی منفی سیاست کو فروغ دینے کے لیے کام کر رہے ہیں انہوں نے کہاکہ شہر کی ترقی کے لیے ان کا کوئی کردار نہیں ہے ۔یہ لوگ اُلٹا شہر کی ترقی کی راہ میں رکاوٹ بنے ہوئے ہیں انہوں نے کہا کہ اپوزیشن کے کہنے پر ہم نے 22مارچ کو میونسپل کمیٹی کا اجلا س رکھا جس میں جیٹنگ مشین کی خریداری کے لیے منظوری دی جانی تھی ۔مگراپوزیشن نے اجلاس میں شرکت نہیں کی جس کی وجہ سے جیٹنگ مشین کی خریداری کا پراسس رکا ہوا ہے ۔ انہوں نے کہا کہ جس سیوریج سسٹم پر اپوزیشن سیاست چمکانے کی کوشش کر رہی ہے یہ سیوریج سسٹم ہمارے دور میں نہیں شروع ہوا ۔یہ اپوزیشن کے قائد بشارت رندھاوا کے بطورناظم دور میں شروع ہوا تھا ۔اس دور میں بشارت رندھاوا ناظم تھے اور حکومتی جماعت ن کے عہدے دار بھی تھے انہوں نے اس سیوریج سسٹم کے خلاف کیوں آواز نہیں اُٹھائی تھی ۔عوام ان کے متضاد رویوں کو سمجھ چکی ہے ۔شہر کے مسائل کے ذمہ دار یہی اپوزیشن والے لوگ ہیں جو کام نہیں کرنے دے رہے ۔ہم جلد عوامی اکٹھ کریں گے اور اس میں شہر کی ترقی کے دشمن عناصر کو ننگاکریں گے ۔ڈاکٹر نور محمد مرحوم کے دور سے لیکر ملک ریاض گرواں کے دور تک بشارت رندھاوا او ر ان کے ساتھیوں نے اس شہر کی اجتماعی ترقی کے لیے کام کرنے والوں کو کام نہیں کرنے دیا ۔محض ذاتی سیاست کو فروغ دینے کے کوئی کام نہیں کیا ۔ انہوں نے کہاکہ اپوزیشن روتی پھر رہی ہے کہ ان کے وارڈوں میں کام نہیں ہو رہے ۔ہم عوام کو دعوت دیتے ہیں کہ آئیے اور دیکھیں کہ ایم پی اے قیصر عباس خان مگسی کے کہنے پر سب سے پہلے کام انہیں اپوزیشن کے وارڈوں میں بلا تفریق شروع ہیں ۔چیئرمین ملک ریاض گرواں نے کہاکہ ہمارے وارڈوں میں تو ابھی تک کام شروع ہی نہیں ہوا مگر جھوٹ اور فریب کی سیاست کے بادشاہ عوام کو گمراہ کرنے کی ناکام کوششیں کرتے پھرر رہے ہیں ۔انہوں نے ایک سوال کا جواب دیتے ہوئے کہاکہ ہمیں بھی اس شہر سے پیار ہے سیوریج سسٹم کا کام جاری ہے جس کی وجہ سے کچھ دن مسائل پیدا ہوئے ہیں ۔سیوریج سسٹم کا مسئلہ جیٹنگ مشین سے حل ہو گا جس کے لیے رقم موجود ہے ،مگر اپوزیشن اس کی منظوری نہیں دینے دے رہی ۔ چیئرمین نے بتایا کہ ہم نے دو بار شہر کی ترقیاتی منصوبوں کے لیے ٹینڈر کیے مگر اپوزیشن نے وہ رُکوا دیے ٹھیکیداروں کو بلیک میل کیا گیا ماڈل جنازہ گاہ ،روڈ لائیٹس ،سٹریٹ لائیٹس ،مینار کی مرمت ،جیٹنگ مشین کے لیے رقم موجود ہے مگر اپوزیشن اجلاس میں شرکت نہیں کرتی جس وجہ سے منظوری نہیں ہوتی ۔انہوں نے کہا کہ مجھ پر کرپشن کے الزامات کگائے گئے ہیں ۔مجھے اللہ پاک نے سب کچھ دیا ہوا ہے میں سیاست شہر کی خدمت کے لیے کرتا ہوں نہ کی تجارت کے لیے میں اپنی ذاتی گاڑی اور ذاتی پٹرول استعمال کرتا ہوں ۔دفتر کا خرچ بھی اپنی جیب سے دیتا ہوں ۔انہوں نے کہا کہ اس شہر کی ترقی کے لیے جس نے بھی کام کرنے کی عملی کوشش کی ہے بشارت رندھاوا اور اس کے ساتھیوں نے ہمیشہ ان کی حوصلہ شکنی کی ہے اپنے حکومتی دورِ اقتدار میں ایک ’’ٹکے ‘‘کا بھی کام نہیں کروایا بلکہ شہر کے کام کی بجائے خود سرکار کی ’’نیلی بتی ‘‘ والی گاڑی لے لی اور پروٹو کول کے مزے اب بھی لیتے پھر رہے ہیں ۔تضاد بیانی کی سیاست کرتے ہیں صدر پی ٹی آئی کے ہیں اور گاڑ ی ن لیگ کی سرکارکی استعمال کر رہے ہیں ۔انہوں نے کہا کہ شہر کی ترقی کے لیے ایم پی اے قیصر عباس خان مگسی اور ایم این اے سید ثقلین شاہ کی خدمات ناقابل فراموش ہیں مگر ا ن لوگوں نے ان کی کردار کشی کے سوا کوئی کام بھی نہیں کیا ۔انہوں نے کہا کہااپوزیشن کے عدم تعاون اور منفی رویہ کی وجہ سے شہر میں کام نہیں ہو رہے ۔اور ان مسائل کی ذمہ دار یہی اپوزیشن اور بشارت رندھاوا ہیں