پنجاب میں 26مارچ کا جلسہ عام پیپلز پارٹی کی عوامی مقبو لیت کا مظہر ہو گا ۔چوہدری سرور عباس لیہ(صبح پا کستان )ڈویژنل صدر پیپلز پارٹی ڈیرہ غازیخا ن چوہدری سرور عباس نے بے بنظیر بھٹو ہال میں پریس کانفرنس سے خطاب کرتے ہوئے کہا کہ میاں برادران اور میان منشا کے درمیان کاروباری شراکت سے کون ناواقف ہے سندھ میں پیپلز پارٹی کے خلاف احتساب پر بغلیں بجانے والے پنجاب میں احتساب سے خوفزدہ ہوکر منہ چھپاتے پھر رہے ہیں ملک میں شفاف قیادت کیلئے ججز،جرنیل،سیاستدانوں کو ایک ہی کیمرہ میں دیکھا جائے اور سب کو بلا امتیاز احتساب ہونا چاہیئے،انہوں نے کہا کہ میاں نواز شریف اپنے رویوں کی بدولت ایک مرتبہ پھر اقتدار غیر منتخب افراد کو دینا چاہتے ہیں مگر پیپلز پارٹی ہی آئین قانون کی بالا دستی کیلئے قربانیاں دیتی آئی ہے آئندہ بھی دیتی رہے گی،چوہدری سرور عباس نے کہا کہ 26مارچ کو باشعورچیئرمین پیپلز پارٹی بلاول بھٹو زرداری کا رحیم یار خان میں جلسہ عام ثابت کرے گا کہ پیپلز پارٹی آج بھی عوام کی پارٹی ہے حالیہ بلدیاتی انتخابات میں پیپلز پارٹی ڈیرہ ڈویژن کی کارکردگی بارے بتاتے ہوئے کہا کہ ڈویژن میں پیپلز پارٹی کی ٹکٹ پر 7چیئرمین یونین کونسل جبکہ 40حمایت یافتہ منتخب ہوئے ہیں انہوں نے کہا کہ پیپلز پارٹی کی حکومت نے قومی اسمبلی سے سرائیکی صوبہ کے حق میں قرار داد منظور کی مگر ن لیگ کی صوبائی حکومت نے اسی طرھ سرائیکی صوبہ کے حق میں رکاوٹیں پید اکر دیں جس طرح سپریم کورٹ کے حکم پر بلدیاتی الیکشن تو منعقد کرادیئے گئے تاہم مخصوص نشستوں اور چیئرمین ہائے بلدیات کے انتخابات کو تعطل کی نذر کر دیا گیا ہے تاکہ صوبہ بھر کے بلدیاتی اداروں سے اورنج ٹرین کیلئے بھتہ خوری جاری رہے اس موقع پر ضلعی صدر شہاب الدین خان سہیڑ ایم پی اے،سینئر نائب صدر ڈاکٹر جاوید اقبال کنجال،،سابق ایم این اے غلام فرید خان میرانی،،سابق ضلعی صدر عبدالمجید بھٹہ،قاضی احسان اللہ،عبدالرحمن مانی،ملک عاشق کھوکھر سمیت دیگر موجود تھے۔