قومی/ بین الاقوامی خبریں

اسلام آباد: ملک میں اب تک کورونا کے 2 لاکھ 69 ہزار87 مریض صحتیاب ہوچکے ہیں۔ این سی اوسی کے مطابق 24 گھنٹوں میں ملک میں 488 افراد میں کرونا کی تصدیق اور7 مریض جاں بحق ہوگئے۔ ملک میں کورونا کے ایکٹیوکیسز کی تعداد 13ہزار953 جب کہ اب تک 2 لاکھ 69 ہزار87 مریض صحتیاب ہو چکے ہیں ۔ این سی اوسی کے مطابق سندھ میں 1 لاکھ 26 ہزار 182 کورونا کیس، پنجاب میں 95447، خیبرپختونخوا 35215، گلگت بلتستان 2502، بلوچستان میں 12295، آزاد کشمیرمیں کورونا کے 2184 کیسزسامنے آچکے ہیں۔ 24 گھنٹوں میں ملک بھر میں 22 ہزار 448 کورونا ٹیسٹ کئے گئے، ملک بھر کے 735 اسپتالوں میں کورونا کے 1307مریض زیرعلاج ہیں۔ کورونا وائرس اوراحتیاطی تدابیر کورونا وائرس کے خلاف یہ احتیاطی تدابیر اختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازہ کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔ سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔ پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے