اسلام آباد ۔ نجی ٹی وی اب تک نیوز نے دعویٰ کیا ہے کہ وزیر خارجہ شاہ محمود قریشی اور وزیر اعظم کے پرنسپل سیکرٹری اعظم خان کے درمیان ہاتھا پائی ہوئی ہے۔ ایک صحافی نے دعویٰ کیا ہے کہ وزیر خارجہ نے ہاتھا پائی کے دوران پرنسپل سیکرٹری کو تھپڑ مارا۔ اسی قسم کا دعویٰ نجی ٹی وی بول نیوز نے بھی کیا ہے۔ وزیر خارجہ شاہ محمود قریشی، وزیر اعظم آفس کی جانب سے اس خبر کی تردید سامنے آئی ہے جبکہ حکومت نے دونوں چینلز کے خلاف "جھوٹی” خبر دینے پر پیمرا سے بھی رجوع کرلیا ہے۔
اب تک نیوز نے ذرائع کے حوالے سے دعویٰ کیا ہے کہ شاہ محمود قریشی اور اعظم خان میں ہاتھا پائی کا واقعہ رواں ہفتے وزیر اعظم سیکرٹریٹ میں پیش آیا ۔ وزیر خارجہ شاہ محمود قریشی وزیر اعظم عمران خان سے ملنا چاہتے تھے لیکن ان کے آفس کے باہر انہیں وزیر اعظم کے پرنسپل سیکرٹری اعظم خان نے روک دیا۔
ایف ایس سی کے طالبِ علم نے غصے میں اپنے تایا کو قتل کردیا، جرم کی انتہائی دردناک داستان
اعظم خان کی جانب سے روکے جانے پر ان کی وزیر خارجہ سے تلخ کلامی ہوئی جس کے بعد دونوں میں ہاتھا پائی ہوگئی۔ نجی ٹی وی نے ذرائع کے حوالے سے دعویٰ کیا ہے کہ وزیر خارجہ نے ہاتھا پائی کے بعد وزیر اعظم عمران خان سے پرنسپل سیکرٹری کے رویے کی شکایت بھی کی۔
دوسری جانب صحافی اسد علی طور نے دعویٰ کیا ہے کہ اس تلخ کلامی کے دوران وزیر خارجہ شاہ محمود قریشی نے پرنسپل سیکرٹری اعظم خان کو تھپڑ رسید کیا تھا۔ اسی قسم کا دعویٰ نجی ٹی وی بول نیوز نے بھی کیا ہے۔
